الماتىداعى اباي اتىنداعى قازاق ۇلتتىق وپەرا جانە بالەت تەاترىندا رامازان باپوۆتىڭ زالى اشىلدى.
اتى اڭىزعا اينالعان بالەت ءارتيسى بيىل كوزى ءتىرى بولعاندا 75 جاسقا تولار ەدى. ونىڭ ەسىمى قازاق بالەت ونەرىنىڭ تاريحىندا التىن ارىپتەرمەن جازىلىپ قالدى. بالەت ونەرىندەگى قۇبىلىس. ونەرتانۋشىلار رامازان باپوۆ جايىندا وسىلاي دەيدى، دەپ حابارلايدى Almaty-akshamy.kz 24.kz-كە سىلتەمە جاساپ.
راسىندا ول قازاق ساحناسىن ەرەكشە تۇرلەندىردى. «اققۋ كولى»، «ۇيقىداعى ارۋ»، «ششەلكۋنچيك»، «دون كيحوت»، «سپارتاك» سياقتى كلاسسيكالىق قويىلىمداردا باستى پارتيالاردى ورىنداپ، كورەمەندەردىڭ قوشەمەتىنە بولەندى. ءسويتىپ، 1970 جىلدارى قازاق حورەوگرافياسىنا قۇبىلىس بولىپ قوسىلدى.
75 جىلدىق مەرەيتويىنا وراي ءوزى ۇزاق جىل ەڭبەك ەتكەن وپەرا جانە بالەت تەاترىنداعى زالعا ەسىمى بەرىلدى. ارىپتەستەرى قويىلىمدى سول كىسىگە ارنادى. ءقازىر باپوۆتىڭ ونەرىن قۋعان جاستار كوپ. ونى ۇستازىم دەپ قۇرمەتتەيتىن ءىزباسارلارى جەتكىلىكتى. ارينە، بۇل ءبىزدى قۋانتادى. شىندىعىندا ول بالەت ونەرىنىڭ جاۋھارى. ءوز ءىسىنىڭ شەبەرى بولدى،-دەپ ەسكە الادى ارىپتەستەرى.
«رامازان ساليح ۇلىنىڭ ورنى ەرەكشە. سول كىسى بۇكىل وسى تەترداعى بارلىق پارتيالاردى، رولدەردى كەرەمەت سومدادى. ءقازىر دە سول كىسى ەتالون دەيمىز عوي ول كىسىنىڭ ىشكى دۇنيەسى تازالىعى پاراساتتىلىعى ىشكى دۇنيەسى كەرەمەت بولاتىن. بۇل دەگەن بۇكىل ەلىمىز ءۇشىن بۇل ۇلكەن ءبىر مادەني قۇبىلىس سونداي وقيعا دەپ ويلايمىن»، - قازاق ۇلتتىق حورەوگرافيا اكادەمياسىنىڭ رەكتورى بيبىگۇل ءنۇسىپجانوۆا.
ول مىقتى مامانداردان تالىم-تاربيە الدى. ەلىمىزدە سول بالەت مەكتەبىن قالىپتاستىرۋ ءۇشىن بارىن سالدى. ماسكەۋدە قالىپ قالسا دا بولاتىن ەدى. ءبىراق ول ەلگە ورالىپ، حازاق حورەوگرافياسىن الەمگە تانىتتى. ارىپتەستەرىنىڭ ايتۋىنشا، ءالى كۇنگە دەيىن سپارتاك پارتياسىن ورىنداۋدا باپوۆقا تەڭ كەلەرى جوق.
«ونىڭ بولمىسى ونەرگە جارالعان. تەكتى تۇلعا ەدى. ونەر، سونىڭ ىشىندە بالەت دەسە ىشكەن اسىن جەرگە قويدى. ول ساحنادا مۇلدەم باسقا ادامعا اينالاتىن. ونى قايتالاۋ مۇمكىن ەمەس. ول بالەت ءۇشىن جارالدى. ءومىرىنىڭ سوڭىنا دەيىن ءوزىنىڭ ءىسىن ءسۇيىپ ءوتتى. مەنىڭ جارىم وسىنداي كەرەمەت جان ەدى»، - دەيدى قازاقستاننىڭ ەڭبەك سىڭىرگەن ءارتيسى، جۇبايى ليۋدميلا رۋداكوۆا.
رامازان سالىق ۇلىنىڭ حورەوگرافيانى دامىتۋداعى ەڭبەگى ەلەۋسىز قالعان جوق. ول قازاق كسر-ىنىڭ جانە كسرو حالىق ءارتيسى اتاندى. بۇدان وزگە دە ماراپتتارعا يە بولدى. 2014 جىلى ومىردەن وزدى. ونىڭ ءجۇرىپ وتكەن جولى كەيىنگى ءىزباسارلارىنا ۇلگى بولىپ قالا بەرمەك.