بۇل تۋرالى ۇلتتىق ەكونوميكا ءمينيسترى الىبەك قۋانتىروۆ ۇكىمەت وتىرىسىندا ەل ەكونوميكاسى تۋرالى بايانداماسىندا مالىمدەدى
ساندىق دەرەكتەرگە سايكەس، ەلىمىزدە ماشينا جاساۋ ءوندىرىسى 7،7%-عا ءوستى. اتاپ ايتقاندا، اۆتوموبيل جاساۋ – 18،3%-عا، ەلەكتر جابدىقتارىن جاساۋ – 12،4%-عا ارتتى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
«حيميا ونەركاسىبى تاۋارلارى — 10،6%، جەڭىل ونەركاسىپ تاۋارلارى – 7،8%، سۋسىندار – 8،9%، پلاستماسسا بۇيىمدارى – 4%، مۇناي وڭدەۋ ونىمدەرى – 3،7%، ازىق-تۇلىك تاۋارلارى – 3،5%-عا ءوستى. سالالار بولىنىسىندە تاۋ-كەن ونەركاسىبىندە قىزمەت كورسەتۋ – 17،8%-عا، كومىر ءوندىرۋ– 1،6%-عا مەتالل كەندەرىن ءوندىرۋ – 0،6%-عا ۇلعايدى. پايدالى قازبالاردى وندىرۋدە 9،9%-عا تومەندەۋى بايقالدى»، – دەدى ءا. قۋانتىروۆ.