«التىن دالا» قورىعىنا «جابايى جىلقىلاردىڭ ورالۋى»: پرجيەۆالسكيي-كەرقۇلان، كەرتاعى جىلقىلارىن اكەلۋ بويىنشا سالتاناتتى ءراسىمى ءوتتى.
ءىس-شاراعا قازاقستان رەسپۋبليكاسى ەكولوگيا جانە تابيعي رەسۋرستار ءمينيسترى ەرلان نىسانبايەۆ، قوستاناي وبلىسىنىڭ اكىمى قۇمار اقساقالوۆ، چەحيا رەسپۋبليكاسىنىڭ قر-داعى ەلشىسى پاۆول شەپەلياك باستاعان چەحيا رەسپۋبليكاسىنان كەلگەن دەلەگاسيا مۇشەلەرى قاتىستى، دەپ حابارلايدى Almaty-akshamy.kz ق ر ەكولوگيا جانە تابيعي رەسۋرستار مينيسترلىگىنە سىلتەمە جاساپ.
«جابايى جىلقىلاردى قايتارۋ» حالىقارالىق جوباسىن ىسكە اسىرۋ شەڭبەرىندە قازاقستاننىڭ بيوالۋانتۇرلىلىگىن ساقتاۋ ماقساتىندا چەحيا قارۋلى كۇشتەرىنىڭ ارنايى اسكەري-كولىكتىك ۇشاعىمەن چەحيادان «التىن دالا» مەملەكەتتىك تابيعي رەزەرۆاتىنىڭ اۋماعىندا رەينترودۋكسيالاۋ ءۇشىن پرجيەۆالسكيي – (كەرقۇلان، كەرتاگى) 8 باس جىلقى جەتكىزىلدى.
بارلىعى 40 باس جىلقىنىڭ تاريحي وتانىنا اكەلۋ جوسپارلانىپ وتىر. قازاقستان مەن چەحيا ماماندارىنىڭ جەمىستى ىنتىماقتاستىعىنىڭ ارقاسىندا ەكى رەسپۋبليكا اراسىنداعى حالىقارالىق كەلىسىم شەڭبەرىندە قوستاناي وبلىسىنا (امانگەلدى جانە جانگەلدى اۋداندارىنا) وسى سيرەك كەزدەسەتىن جانۋارلاردىڭ 40 داناسى قايتا جەرسىندىرىلەتىن بولادى.
ءىس-شاراعا قازاقستاندىق بيوالۋانتۇرلىلىكتى ساقتاۋ قاۋىمداستىعىنىڭ (اسبك) وكىلدەرى جانە چەحيا مەن گەرمانيادان 40-قا جۋىق وكىل، ونىڭ ىشىندە جۋرناليستەر بەلسەندى قاتىستى.