قازاقستاندا كيىك سانى 1 ملن 300 مىڭعا جەتتى

ورال پوپۋلياسياسىندا 800 مىڭ باس بوكەن بار

ەكولوگيا، گەولوگيا جانە تابيعي رەسۋرستار ۆيسە-مينيسترى ءاليا شالابەكوۆا كيىك سانى ەلىمىز بويىنشا 1 ملن 300 مىڭعا جەتكەنىن مالىمدەدى، دەپ حابارلايدى Almaty-akshamy.kz.

باتىس قازاقستاندا «بوكەي ورداسى» مەملەكەتتىك رەزەرۆاتى مەن «اششىوزەك» تابيعي قاۋمالى قۇرىلدى. ۆيسە-مينيستر اۋداندارعا بارىپ، «كيىكتەردەن زارداپ شەگىپ وتىرمىز» دەپ شاعىمدانعان شارۋالارمەن كەزدەستى. رەزەرۆات وسى ماسەلەنى شەشۋگە ىقپال ەتەدى دەپ اشىلدى. تابيعي اۋماقتىڭ جالپى اۋدانى - 650 مىڭ گەكتار. وندا 78 ادام جۇمىس ىستەيدى.

ال قازاقستاندا كيىك سانى 1 ملن 300 مىڭعا جەتتى. ورال پوپۋلياسياسىندا 800 مىڭ باس بوكەن بار. بۇل تۋرالى قازاقستان تەلەارناسى حابارلادى.

ەكولوگيا، گەولوگيا جانە تابيعي رەسۋرستار ۆيسە-مينيسترى ءاليا شالابەكوۆانىڭ ايتۋىنشا، ەرەكشە قورعالاتىن تابيعي اۋماق 1 شىلدەدەن باستاپ ناقتى ىسكە كىرىسەدى. وعان رەسپۋبليكالىق بيۋدجەتتەن 300 ملن تەڭگە قارجى بولىنەدى.

«باستى ماقسات – كيىكتى قورعاۋ، ونىڭ كوشى-قونىن قاداعالاۋ. اۋماقتا شامامەن 250 مىڭداي كيىك بولادى. رەزەرۆاتتا اڭشىلىق جاساۋعا تىيىم سالىنادى. ال ول جەردەن تىس اۋماقتا كيىكتى اۋلاۋمەن باسقا ءبىر مەكەمە شۇعىلدانادى. ول جاعىن ءالى ويلاستىرىپ جاتىرمىز»،-دەيدى ءاليا شالابەكوۆا.