الماتىدا «بالالارداعى ەرتە پايدا بولاتىن اۋتيزم كەزىندە ماعىنالى قابىلداۋدى دامىتۋ» جانە «ەموسيونالدى كۇيزەلىس» تاقىرىپتارى بويىنشا سەمينار ءوتتى.
ەرەكشە قاجەتتىلىكتەرى بار بالالارمەن جۇمىس ىستەيتىن اتا-انالار مەن ماماندارعا ارنالعان اقپاراتتىق-پروفيلاكتيكالىق وقىتۋ سەمينارىن «ناچني نوۆۋيۋ جيزن» جەكە مەنشىك قورى «سامۇرىق قازىنا» قورىنىڭ قولداۋىمەن ۇيىمداستىردى.
سەمينار ترەنينگتى جوبا كوورديناتورى پاك سۆەتلانا ۆلاديميروۆنا وتكىزدى. بالالار ءاۋتيزمىن ەرتە ەمدەۋ تۋرالى ارنايى شاقىرىلعان پسيحياتر، پسيحوتەراپيەۆت رۋساكوۆا يرينا ۆلاديميروۆنا ەڭجەي-تەگجەيلى ايتتى. يرينا ۆلاديميروۆنا بالالار ءاۋتيزمىن ەمدەۋمەن اينالىساتىن تاجىريبەلى مامان. ول ءوزىنىڭ جەكە ءادىسناماسى تۋرالى ايتىپ بەردى. ونىڭ سوزىنشە جىل وتكەن سايىن اۋتيزممەن اۋىراتىن بالالاردىڭ سانى ءوسىپ كەلەدى. ءوز تاجىريبەسىندە العاش رەت قازاقستاندا اۋتيزممەن اۋىرعان بالانى 1993 جىلى كورگەن ەكەن. وعان دەيىن تەك كىتاپ بەتتەرىندە اۋرۋ تۋرالى اقپارات بولعان.
سالا مامانى بالالاردا اۋرۋ بەلگىلەرىن ەرتە انىقتاعان دۇرى دەيدى. ەم قابىلداۋدى باستايتىن ەڭ ءتيىمدى ۋاقىت 4-5 جاس. 7 جاسقا دەيىن بالا ەمدەلۋى ءتيىس دەيدى پسيحوتەراپيەۆت. سەبەبى 7 جاستا بالا پسيحيكاسى تولىق قالىپتاسادى. ماماننىڭ ءادىسناماسىنا كەلەتىن بولساق، اۋتيزممەن اۋىراتىن بالالاردى قورشاعان ورتانى، ءوزىن سانالى تۇردە قابىلداۋىنا جاعداي جاساۋعا ارەكەت ەتەدى. ءادىسنامانىڭ باستى ەرەكشەلىگى بالانى ءوزىنىڭ قۇرداستارىمەن ويناتۋ ارقىلى بىرتىندەپ ەمدەۋ.