مۇسىلمانداردا قاسيەتتى رامازان ايى جانە ونىمەن بىرگە ورازا دا باستالدى. №16 قالالىق ەمحانانىڭ گاستروەنتەرولوگ دارىگەرى جانسايا جانابايەۆا وسى كەزەڭدە ورازا ۇستايتىندارعا قانداي تاماق جەۋ كەرەك جانە قانداي تاعامنان باس تارتۋ كەرەكتىگى تۋرالى ايتىپ بەردى، دەپ حابارلايدى اlmaty-akshamy.kz.
ونىڭ ايتۋىنشا، ورازا كەزىندە جەڭىل جانە وڭاي سىڭەتىن تاعامداردى تۇتىنعان ءجون، سونىمەن قاتار اسقازاننىڭ شامادان تىس جۇكتەمەسىنە اكەلەتىن مايلى، تۇزدى، قۋىرىلعان جانە اۋىر تاعامداردى الىپ تاستاعان ءجون. تاتتىلەردەن، كوفەدەن، شايدان جانە گازدالعان سۋسىننان باس تارتۋ دا ماڭىزدى.
يفتاردى قۇرمادان باستاۋ ۇسىنىلادى. قۇرما اس قورىتۋ جۇيەسى مەن اعزانى جاقسى كۇيدە ۇستاۋ ءۇشىن قاجەتتى تالشىقتارعا وتە باي.
سونىمەن قاتار، سۋسىزدانۋدى بولدىرماۋ ءۇشىن ورازانىڭ رۇقسات ەتىلگەن ۋاقىتىنان كەيىن، ياعني اۋىز اشقاننان كەيىن جەتكىلىكتى مولشەردە سۋ ءىشۋ كەرەك جانە جانە اسقازانداعى جاعىمسىز سەزىمدەردى بولدىرماۋ ءۇشىن اۋىز اشقاننان كەيىن بىردەن كوپ مولشەرىدە سۋ ىشۋگە بولمايدى.
ۇزاق ۋاقىت بويى ورازا ۇستاعاندى ەسكەرە وتىرىپ، جىلدام ەمەس، باياۋ سىڭەتىن تاعامداردى، سونىڭ ىشىندە قۇرامىندا تالشىققا باي تاعامداردى تۇتىنۋ كەرەك.
باياۋ سىڭەتىن تاماق ونىمدەرى-قۇرامىندا كۇردەلى كومىرسۋلار بار تاعامدار: داندەر مەن تۇقىمدار-ارپا، بيداي، س ۇلى، تارى، جارما، بۇرشاق، جاسىمىق، ەلەكتەن وتپەگەن ۇن، ۇنتاقتالماعان كۇرىش جانە ت.ب.
تەز سىڭەتىن تاعامدار-قۇرامىندا بوس، تازارتىلعان كومىرسۋلار بار تاعامدار: قانت، ەلەنگەن ۇن، مىسالى، جوعارى سورتتى ۇن.
ورازا كەزىندە وسىمدىك تاعامدارى قورەكتىك زاتتاردىڭ قاجەتتىلىكتەرىن وتەۋ ءۇشىن ءارتۇرلى، تالشىقتار مەن اقۋىزدارعا باي بولۋى كەرەك.
"سونداي – اق، كەبەك، تۇتاس ۇنتاقتالعان بيداي داندەرى، تۇقىمدار مەن داندەر، كوكونىستەر (جاسىل بۇرشاق، اسبۇرشاق، كادى)، جۇگەرى، شپينات، تەمىرگە باي قىزىلشا جاپىراقتارى، قابىعى بار جەمىستەر، بادام، كەپتىرىلگەن جەمىستەر-ورىك، ءىنجىر، قارا ورىك جانە ت. ب."،- دەيدى جانسايا جانابايەۆا.
سونىمەن قاتار، دارىگەر ارتىق تاماقتانۋدان اۋلاق بولۋ كەرەك ەكەنىن اتاپ ءوتتى، ويتكەنى ۇزاق ۋاقىت ورازا ۇستاعاننان كەيىن ارتىق تاماقتانۋ ىشەككە جانە جالپى اعزاعا اۋىر زيان كەلتىرۋى مۇمكىن. سونداي-اق سوزىلمالى اۋرۋلارى بار ادامداردىڭ ساناتتارىنا ورازا ۇستاۋعا بولمايتىنىن ايتتى.