الماتىدا balabaqsha.bilimalmaty.kz. سايتىندا مەملەكەتتىك مەكتەپكە دەيىنگى ۇيىمدارعا جوسپارلى جاپپاي جيناقتاۋ باستالادى. ەڭ الدىمەن بالاباقشالارداعى ورىنداردى ءبولۋ كەزەكتەن تىس (جەڭىلدىكتى) جانە ءبىرىنشى كەزەكتەگى (كەزەگى كەلگەندەر) ءۇشىن جۇرگىزىلەدى. ءۇش كۇننەن كەيىن سايتتاعى بارلىق كەزەكتە تۇرعاندار ءۇشىن بوس (قالعان) ورىندار balabaqsha.bilimalmaty.kz سايتىندا قولجەتىمدى بولادى. اعىمداعى جىلى الماتى قالاسىنىڭ مەكتەپكە دەيىنگى ۇيىمدارىنا 13 000-عا جۋىق بالا قابىلداۋ جوسپارلانۋدا.
2023 جىلعى 16-18 مامىر ارالىعىندا 2021، 2020، 2019، 2018 جىلى تۋعان بالالارعا ارنالعان ارنايى (تۇزەتۋ) مەكتەپكە دەيىنگى ۇيىمدارعا ورىندار قولجەتىمدى بولادى. وزگەلەر ءۇشىن بوس (قالعان) ورىندار 2023 جىلدىڭ 19 مامىرىندا تاڭعى 6:57-دە قولجەتىمدى بولادى.
ورىنداردى تولىقتىرۋ كەزىندە ءبىرىنشى كەزەكتەگىلەردىڭ تەلەفون نومىرىنە كەزەكتىڭ كەلگەنى تۋرالى حابارلاما كەلەدى. حابارلاما الۋ كەزىندە اتا-انانىڭ نەمەسە قامقورشىنىڭ بالاباقشاعا جولداما الۋ ءۇشىن ءۇش جۇمىس كۇنى بار. الىنعان جولدامانى مەكتەپكە دەيىنگى ۇيىمعا بەس جۇمىس كۇنى ىشىندە ۇسىنۋ قاجەت. وسى ۋاقىتتان كەيىن جولداما جويىلادى. بۇل رەتتە بالانىڭ كەزەگى توقتاتۋ پاراعىنا 10 كۇنگە بارادى، وندا ول بوس ورىنداردى بولۋگە قاتىسا المايدى. 10 كۇننەن كەيىن بالانىڭ كەزەگى قالپىنا كەلەدى. ايتا كەتەرلىگى، ورىنداردى ءبولۋ پروسەسى تولىعىمەن اۆتوماتتاندىرىلعان.
ءارى قاراي جالپى ۇلگىدەگى مەملەكەتتىك بالاباقشالارعا جيناقتاۋ باستالادى:
- ءبىرىنشى كەزەڭ 2021 جىلى تۋعان بالالارعا - 22 مامىردا مەكتەپكە دەيىنگى ۇيىمدارعا ورىندار قوسىلادى. كەزەگى كەلگەن بالالارعا بۇل ورىندار 23-25 مامىر ارالىعىندا تاڭعى 7:00-دەن باستاپ قولجەتىمدى بولادى. بوس ورىندار (قالعان) بارلىعىنا 26 مامىردا تاڭعى 6:57-دە شىعادى.
- ەكىنشى كەزەڭ 2021 جىلى تۋعان بالالارعا - 12 ماۋسىمدا مەكتەپكە دەيىنگى ۇيىمدارعا ورىندار قوسىلادى. كەزەگى كەلگەن بالالارعا بۇل ورىندار 13-15 ماۋسىم ارالىعىندا تاڭعى 7:00-دەن باستاپ قولجەتىمدى بولادى. بوس ورىندار (قالعان) بارلىعىنا 16 ماۋسىمدا تاڭعى 6:57-دەن شىعادى.
- ءبىرىنشى كەزەڭ 2020 جىلى تۋعان بالالارعا - 29 مامىردا مەكتەپكە دەيىنگى ۇيىمدارعا ورىندار قوسىلادى. كەزەگى كەلگەن بالالارعا بۇل ورىندار 30 مامىر مەن 1 ماۋسىم ارالىعىندا تاڭعى 7:00-دەن باستاپ قولجەتىمدى بولادى. بوس ورىندار (قالعان) ورىندار بارلىعىنا 2 ماۋسىمدا تاڭعى 6:57-دە شىعادى.
- ەكىنشى كەزەڭ 2020 جىلى تۋعان بالالارعا - 19 ماۋسىمدا مەكتەپكە دەيىنگى ۇيىمدارعا ورىندار قوسىلادى. كەزەگى كەلگەن بالالارعا بۇل ورىندار 20-22 ماۋسىم ارالىعىندا تاڭعى 07:00-دەن باستاپ قولجەتىمدى بولادى. بوس ورىندار (قالعان) ورىندار بارلىعىنا 23 ماۋسىمدا تاڭعى 6:57-دەن باستاپ شىعادى.
- 5 ماۋسىمدا 2019، 2018 جىلى تۋعان بالالارعا ارنالعان ورىندار قوسىلادى. كەزەگى جاقىنداعان بالالارعا بۇل ورىندار 6-8 ماۋسىم ارالىعىندا تاڭعى 07:00-دەن باستاپ قولجەتىمدى بولادى. بوس ورىندار (قالعان) ورىندار 9 ماۋسىمدا تاڭعى 6:57-دەن باستاپ قولجەتىمدى بولادى.
وسىلايشا، مەكتەپكە دەيىنگى ۇيىمدار دۇيسەنبىدە بوس ورىنداردى ورنالاستىرادى. سەيسەنبى، سارسەنبى جانە بەيسەنبىدە ولار كەزەكتەن تىس جانە ءبىرىنشى كەزەكتەگى بالالارعا قولجەتىمدى بولادى. جۇما كۇنى تاڭعى ساعات 06.57-دەن باستاپ قالعان بوس ورىندار بارلىق كەزەككە قول جەتىمدى بولادى.
وسىلايشا، بالاباقشالارعا جولداماسى بار بالالاردى قابىلداۋ مەكتەپ الدىنداعى توپتان شىققان كەزدە جۇزەگە اسىرىلادى، سەبەبى مەكتەپكە دەيىنگى مەكەمەلەر قىزمەتىنىڭ ۇلگىلىك ەرەجەلەرىنە سايكەس مەكتەپكە دەيىنگى توپتاردىڭ بالالارى 1 تامىزعا دەيىن بالاباقشالارعا بارا الادى.
ەسكە سالساق، توپتاردى جيناقتاۋ، بوس ورىندار تۋرالى اقپارات، سونداي-اق جولداما الۋ جونىندەگى نۇسقاۋلىق balabaqsha.bilimalmaty.kz سايتىندا ورنالاستىرىلعان. ەگەر قولجەتىمدى ۇيىمداردىڭ تىزىمىندە قاجەتتى بالاباقشا بولماسا، وندا بۇل ۇيىمدا بوس ورىندار جوق ەكەنىن بىلدىرەدى. بوس ورىنداردى balabaqsha.bilimalmaty.kz سايتىندا "ستاتيستيكانى قاراۋ" بولىمىنەن كورۋگە بولادى. (https://balabaqsha.bilimalmaty.kz/Common/Statistics/Free)
جۇيە ارقىلى مەكتەپكە دەيىنگى بالالار ۇيىمدارىنىڭ ماسەلەلەرى بويىنشا balabaqsha.bilimalmaty.kz (بوس ورىنداردىڭ بولۋى، كەزەككە تۇرۋ، جولدامالار بەرۋ، جەكە كابينەتكە كىرۋ جانە ت. ب.) نومىرلەر بويىنشا Call-center-گە حابارلاسۋعا بولادى: 1308، +7 (727) 338-33-88.
تەحنيكالىق سۇراقتار بويىنشا: +7 (771) 030-17-48 (WhatsApp/قوڭىراۋلار) جۇمىس كۇندەرى 9:00-دەن 18:00-گە دەيىن (13:00-دەن 14:00-گە دەيىن-تۇسكى اس ۋاقىتى).
قادامدىق نۇسقاۋلىقتى كورۋ ءۇشىن https://balabaqsha.bilimalmaty.kz/Client/Cabinet/Instr سىلتەمەسى بويىنشا ءوتۋ كەرەك.