وڭىرلىك كوممۋنيكاسيالار قىزمەتىنىڭ الاڭىندا بالا اسىراپ الۋ جونىندەگى ۇلتتىق اگەنتتىك پەن «انا ءۇيى» قوعامدىق قورى وكىلدەرىنىڭ قاتىسۋىمەن بريفينگ ءوتتى.
ولار قامقورشىلىق ءراسىمى، اسىراپ الۋشى اتا-انالاردىڭ مەكتەبى جانە اسىراپ الىنعان بالالاردىڭ جاڭا وتباسىلارىنا قالاي بوي ۇيرەتەتىنى تۋرالى ايتتى، دەپ حابارلايدى اlmaty-akshamy.kz.
ۇلتتىق اگەنتتىكتىڭ نەگىزگى ماقساتى - بالالاردىڭ وتباسىندا تاربيەلەۋ قۇقىعىن ىسكە اسىرۋ. وسى ماقساتقا جەتۋ ءۇشىن اگەنتتىكتە بالا اسىراپ العىسى كەلەتىن بولاشاق قامقورشىلار، وتباسىلار دايىندالادى.
«پسيحولوگيالىق دايىندىقتان ءوتۋ ءۇشىن ۇمىتكەرلەر تىكەلەي اگەنتتىككە نەمەسە كولل-ورتالىقتىڭ 1422 ءنومىرى بويىنشا جۇگىنەدى. كانديداتتارمەن جۇمىستى ءبىزدىڭ پسيحولوگ ماماندار جۇرگىزەدى. دياگنوستيكالىق سۇحبات بارىسىندا ءبىز ءار ۇمىتكەردىڭ سەبەپتەرىن انىقتايمىز. موتيۆتەر كونسترۋكتيۆتى دە، دەسترۋكتيۆتى دە بولۋى مۇمكىن. مىسالى، بۇل بىرەۋ ءوز قاجەتتىلىكتەرىن قاناعاتتاندىرۋ نيەتىمەن كەلەدى، شىن مانىندە بالاعا باقىتتى بالالىق شاق سىيلاعىسى كەلەتىندەر بار. سوندىقتان ءار ۇمىتكەردىڭ ءموتيۆىن انىقتاۋ وتە ماڭىزدى. وسىعان سۇيەنە وتىرىپ، ءبىز بەلگىلى ءبىر كانديداتتارمەن ءارى قاراي جۇمىس جاسايمىز با، جوق پا، سونى شەشەمىز»، - دەدى «انا ءۇيى» قق بالا اسىراپ الۋ جونىندەگى ۇلتتىق اگەنتتىگىنىڭ باسشىسى فاريدا راحمەتوۆا.
اگەنتتىكتە اتاپ وتكەندەي، ۇمىتكەرلەردىڭ 20-30% - ى اسىراپ الۋشى اتا-انالار مەكتەبىنەن وتكەن كەزدە ەلەكتەن وتكىزىلەدى. مۇنىڭ سەبەبى - قامقورشىلاردىڭ ءوز رەسۋرستارىنىڭ شەكتەۋلى ەكەنىن ءتۇسىنۋ ءۇشىن.
«ۇمىتكەرلەر وزدەرىندە رەسۋرستاردىڭ جوقتىعىن، اسىراپ الىنعان بالانى قابىلداۋعا دايىن ەمەس ەكەنىن تۇسىنەدى. نەگىزىنەن ۇمىتكەرلەر اسىعىس شەشىممەن كەلەدى، ولار ءاردايىم بالانىڭ ءومىر ءسۇرىپ جاتقان ورتاسىنا بايلانىستى وزىندىك ەرەكشەلىكتەرى بار ەكەنىن ەسكەرمەيدى. سوندىقتان مۇندا كوپ جۇمىس قاجەت. كەيبىر اتا-انالار وقۋ پروسەسىندە بۇعان دايىن ەمەس ەكەنىن تۇسىنەدى. ءبىز ءۇشىن بۇل جاقسى ناتيجە، ويتكەنى ۇمىتكەر باستاپقى كەزەڭدە بالانى وتباسىنا قابىلداعان كەزدە ەمەس، بالا ءۇشىن جاۋاپكەرشىلىكتى الۋعا دايىن ەمەس ەكەنىن تۇسىنەدى. ەگەر بالا قايتارىلسا، بۇل ول ءۇشىن وتە ۇلكەن سوققى»، - دەپ اتاپ ءوتتى ف.راحمەتوۆا.
مەكتەپتە وقۋ 3،5 اي بويى جۇرگىزىلەدى جانە تاقىرىپتىق ساباقتاردان تۇرادى. وسى ۋاقىت ىشىندە ۇمىتكەرلەر ماماندارمەن جۇمىس ىستەيدى، ولارعا كەڭەس بەرەدى، ماڭىزدى سۇراقتارعا جاۋاپ بەرەدى، ناتيجەسىندە ولار وزدەرىنىڭ مۇمكىندىكتەرى مەن رەسۋرستارىن بىلەدى. مەكتەپتى بىتىرگەننەن كەيىن ۇمىتكەرلەرگە وسى دايىندىقتان وتكەنى تۋرالى سەرتيفيكات بەرىلەدى. ورتالىق ماماندارى بالا اسىراپ الۋشى وتباسىلاردى تاعى ءۇش جىل باقىلايدى.
«بالالار ۇيىنەن شىققاندار - ەرەكشە بالا. ونىڭ ءوز قيىندىعى، ءوزىنىڭ باسىنان كەشكەن وقيعاسى بار، ول سونىڭ ءبارىن جاسىنا قاراماستان، ءوزىن اسىراپ العان وتباسىنا الا بارادى. ونىڭ اسىراپ العان وتباسىنا ۇيرەنىسۋى ءۇشىن جاقسى دايىندىق قاجەت. ءبىزدىڭ مەكتەپتىڭ ماقساتى مەن جۇمىسى - اتا - انالاردى بالالار ۇيىنەن بالانى قابىلداۋعا دايىنداۋ، بارلىق قاجەتتى اقپاراتتى بەرۋ، ەڭ ماڭىزدى سۇراقتارعا جاۋاپ الۋ»، - دەدى اگەنتتىكتىڭ پسيحولوگى ءلاززات سەرىمبەتوۆا.
اگەنتتىكتە وتكەن جىلى دياگنوز قويىلعان بالالاردى اسىراپ العان وتباسىلارعا وڭالتۋ جانە كومەك كورسەتۋ بويىنشا پيلوتتىق جوبا ىسكە قوسىلدى. ايتۋىنشا، بالالار ۇيىندەگى بالالار اراسىندا ەڭ كوپ تارالعان دياگنوز – بۇل بالالاردىڭ دامۋىنداعى كەشەۋىلدەۋ. ءبىراق ماماندار اتاپ وتكەندەي، تۇزەتۋ جانە وڭالتۋ جۇمىستارىن جۇرگىزگەننەن كەيىن، بۇل دياگنوزداردىڭ جويىلاتىنى ءجيى كەزدەسىپ جاتادى.
«مەكەمەدە 4 مىڭنان استام بالا تاربيەلەنۋدە، ونىڭ 80 پايىزى باۋىرلارى بار بالالار، زاڭ بويىنشا ولاردى بىر-بىرىنەن اجىراتۋعا بولمايدى، ولار - جاسوسپىرىمدەر جانە دياگنوزى بار بالالار. وكىنىشكە قاراي، دياگنوزى بار بالالاردى قابىلداۋعا نيەتتى نەمەسە دايىن ادامدار كوپ ەمەس. سوندىقتان 2022 جىلدىڭ مامىر ايىنان باستاپ ءبىز وڭالتۋ بويىنشا جاڭا پيلوتتىق جوبانى ىسكە قوستىق. جوبا اياسىندا وتباسىلارعا ءۇش ءتۇرلى كومەك كورسەتىلەدى. ەگەر وپەراسيا قاجەت بولسا، بۇل جاعدايدا قور قارجىلاندىرۋمەن اينالىسادى. ەگەر ودان ءارى وڭالتۋ نەمەسە تۇزەتۋ قاجەت بولسا، ءبىز ورتالىقتارمەن شارت جاساسامىز، ونىڭ قارجىلاندىرىلۋىن ءبىزدىڭ قور تولەيدى»، - دەدى ف.راحمەتوۆا.
كومەكتىڭ ءۇشىنشى ءتۇرى - جەكە لوگوپەد، دەفەكتولوگ، پسيحولوگتىڭ قىزمەتتەرىن الۋ ءۇشىن تولەنەتىن اتاۋلى كومەك. كومەكتىڭ بۇل ءتۇرى اتالعان مامانداردىڭ ورتالىقتارى جوق اۋىلدىق جەرلەردە تۇراتىن وتباسىلارعا بەرىلەدى.
اسىراپ الىنعان بالالار بالالار ۇيىنە قايتا ورالاتىن جاعدايلار ءجيى كەزدەسەدى. سەبەپتەر ءارتۇرلى بولۋى مۇمكىن، كوبىنەسە ەرەسەكتەردىڭ دايىندىعى جوق، دەيدى ساراپشىلار.
«ءبىزدىڭ قوردىڭ ستاتيستيكاسى بويىنشا، جاڭا وتباسى تاپقان بالالاردىڭ 6% - ى قايتارىلدى. مۇنىڭ سەبەبى، نەگىزىنەن، ەرەسەك ادامنىڭ قولىنان بۇل ءىستىڭ كەلمەۋى. وعان رەسۋرس، شىدامدىلىق جەتىسپەدى. ارينە، ەسكەرەتىن جايتتار دا بار، مىسالى، قامقورشى قاتتى اۋىرىپ، قايتىس بولعان كەزدەردە بالالار قايتادان بالالار ۇيىنە ورالدى. سونداي - اق، تۋعان بالالارىمەن قيىندىق تۋىندايدى جانە وسى سەبەپتى اسىراپ الىنعان بالالار قايتادان بالالار ۇيىنە ورالادى»، - دەپ قورىتىندىلادى ف.راحمەتوۆا.