ماجىلىستە «ماسس-مەديا» تۋرالى زاڭ جوباسى قارالدى.
بۇعان دەيىن جالعان اقپارات تاراتقانداردىڭ ۇستىنەن كەز-كەلگەن ۋاقىتتا، ءتىپتى 10 جىلدان كەيىن دە شاعىم ءتۇسىرۋ مۇمكىن بولعان. ودان بولەك قارالىپ جاتقان زاڭعا ساي مەملەكەتتىك ورگاندار جۋرناليستەردىڭ رەسمي ساۋالىنا 5 كۇن ىشىندە جاۋاپ بەرۋلەرى ءتيىس.
سونداي-اق قۇجاتتا تەلەارنالارداعى مەملەكەتتىك ءتىلدىڭ ۇلەسى رەتتەلەدى. ازىرگە 60-تا 40 پروپورسياسى قارالىپ جاتىر. دەگەنمەن، دەپۋتاتتار قازاق ءتىلىنىڭ ۇلەسىن 70 ال ورىس تىلىنە ەفيردىڭ 30 پايىزىن ءبولۋدى ۇسىنىپ وتىر. زاڭ جوباسىندا جۋرناليستەرگە باسپا ءسوز كارتاسىن ازىرلەۋ ماسەلەسى دە بار. وسى نورما قىزۋ تالقىعا ءتۇستى. كارتا ازىرلەنسە ول وزگە ازاماتتاردىڭ قۇقىعىن شەكتەۋى مۇمكىن. سوندىقتان ەكىنشى وقىلىمعا دەيىن قۇجات قايتا پىسىقتالاتىن بولدى.