«الماتى» اكك» اق ەنشىلەس ۇيىمى «Almaty Finance» ج ش س الماتىدا قازاقستانداعى العاشقى «Baby Carrots» سورتتى شاعىن ءسابىز شىعاراتىن سەحتىڭ اشىلۋىن قارجىلاندىردى، دەپ حابارلايدى aqshamnews.kz
قارىز الۋشى «Eco Sunny Green» جشس-گە بولىنگەن 124 ميلليون تەڭگەنىڭ 99 ميلليونى قۇرال-جابدىق ساتىپ الۋعا جانە ءوندىرىس ورىندارىن جوندەۋگە باعىتتالسا، قالعان 25 ميلليونى اينالىم قاراجاتىن تولىقتىرۋعا جۇمسالادى.
جوبا «Almaty Business-2025» وڭىرلىك كاسىپكەرلىكتى دامىتۋ باعدارلاماسى اياسىندا قارجىلاندىرىلدى. نەسيە ءليميتىنىڭ سىياقى مولشەرلەمەسى جىلدىق 6% قۇرايدى. قارجىلاندىرۋ مەرزىمى جابدىق ساتىپ الۋ جانە ءۇي-جايلاردى جوندەۋگە – 7 جىل، ال اينالىم قاراجاتىن تولىقتىرۋ ءۇشىن – 3 جىل.
شاعىن ءسابىز وندىرۋگە ارنالعان شيكىزات الماتى جانە جامبىل وبلىستارىنىڭ، سونداي-اق وزبەكستان مەن قىرعىزستاننىڭ شارۋالارىنان ساتىپ الىنباق. سەح جىلىنا 3 مىڭ توننا دايىن ءونىم شىعارۋدى جوسپارلاپ وتىر، بۇل 50% قۋاتتىلىقپەن جۇمىس ىستەگەن كەزدەگى كورسەتكىش. ءونىم جۋىلعان، تۋرالعان جانە ورالعان كۇيدە 230 جانە 380 گراممدىق پاكەتتەردە ساتىلادى.
قازىرگى ۋاقىتتا «ەكو ساني گرين» ج ش س گيپەرماركەتتەر مەن الماتى قالاسىنداعى جەكەمەنشىك مەكتەپتەرمەن دايىن ءونىمدى ساتىپ الۋ بويىنشا كەلىسىمدەر جاساسقان.
«سەح بوستاندىق اۋدانىندا ورنالاسادى. جەرگىلىكتى ءوندىرىستى ىسكە قوسۋ يمپورتتىق شاعىن ءسابىز انالوگتارىن الماستىرىپ، تۇتىنۋشىلارعا ارزان باعامەن ۇسىنۋعا مۇمكىندىك بەرەدى. سونىمەن قاتار، 15 جاڭا جۇمىس ورنى اشىلادى جانە جەرگىلىكتى بيۋدجەتكە تۇسەتىن سالىق كولەمى ارتادى»، – دەدى «Almaty Finance» ج ش س باسقارما ءتوراعاسىنىڭ ورىنباسارى جۇلدىز يگەنوۆ.
انىقتاما ءۇشىن:
«Baby Carrots» – اقش پەن ەۋروپادا تانىمال ءسابىز ءوندىرىسىنىڭ ءتۇرى. بۇل ءونىمنىڭ ەرەكشەلىگى – كوكونىس قابىعى ارشىلىپ، جۋىلىپ، مايدالاپ تۋرالىپ، تۇتىنۋعا دايىن كۇيدە ساتىلادى. ءونىم بالالار مەن ەرەسەكتەر اراسىندا جوعارى سۇرانىسقا يە.