مۇنداي جۇمىس 1 773 الماتىلىق ءۇي جانىنداعى دۇكەندە جۇرگىزىلدى، بۇل جالپى ساننىڭ جارتىسىنا جۋىعىن قۇرايدى. بۇل تۋرالى باقىتجان ساعىنتايەۆتىڭ توراعالىعىمەن وتكەن الماتى قالاسىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسىندا اكىمنىڭ ورىنباسارى ماقسات قيقىموۆ ايتىپ بەردى، دەپ حابارلايدى اlmaty-akshamy.kz
الماتىدا بارلىعى 3 583 ۆ، س كلاستى ازىق-تۇلىك دۇكەنى جۇمىس ىستەيدى: الاتاۋ اۋدانىندا – 500 دۇكەن، المالى اۋدانىندا – 395، اۋەزوۆ اۋدانىندا – 605، بوستاندىق اۋدانىندا – 488، جەتىسۋ اۋدانىندا – 400، مەدەۋ اۋدانىندا – 325، ناۋرىزباي اۋدانىندا – 350، تۇركسىب اۋدانىندا – 525 دۇكەن.
باقىتجان ساعىنتايەۆتىڭ تاپسىرماسىن ورىنداي وتىرىپ، قالا اكىمدىگى اۋداندىق اكىمدىكتەرمەن جانە Nur Otan پارتياسىنىڭ وكىلدەرىمەن بىرلەسىپ كۇن سايىن ءۇي جانىنداعى 1 773 دۇكەندە ءامات باعاسىنىڭ نەگىزسىز وسۋىنە جول بەرمەۋ بويىنشا مونيتورينگ جۇرگىزەدى، بۇل جالپى سانىنىڭ جارتىسىنا جۋىعىن قۇرايدى.
مونيتورينگ قورىتىندىسى بويىنشا، 7 اۋداننىڭ (تۇركسىب اۋدانىنان باسقا) 61 دۇكەنىندە ءامات باعاسىنىڭ نەگىزسىز ءوسۋ فاكتىلەرى انىقتالدى.
م. قيقىموۆتىڭ ايتۋىنشا، پروفيلاكتيكالىق جۇمىستاردىڭ ناتيجەسىندە ازىق-تۇلىك تاۋارلارىنىڭ كەلەسى تۇرلەرىنىڭ باعاسى تومەندەدى: كۇنباعىس مايى 15%-عا (920-دان 780 تگ/ل)، ءسۇت ونىمدەرى 5%-عا (ايران 315-تەن 300 تگ/ل، ءسۇت 295-تەن 280 تگ/ل)، الەۋمەتتىك نان 10%-عا (100-دەن 90 تگ/ل)، 1 سۇرىپتى ۇن 10،2%-عا (245-تەن 220 تگ/كگ-عا دەيىن)، ءى ساناتتى جۇمىرتقا 6،2% (490-دان 460 تگ/وندىققا دەيىن)، قانت 5،7%-عا (350-دەن 330 تگ/كگ-عا دەيىن).
قالعان 1 810 دۇكەن بويىنشا جۇمىس اعىمداعى جىلدىڭ قاڭتار ايىنىڭ سوڭىنا دەيىن جۇرگىزىلەدى، مونيتورينگ بويىنشا جۇمىس تۇراقتى نەگىزدە جالعاسادى.