ازاماتتىق قارۋدىڭ جەكە يەلەرىنە، قىزمەتتىك قارۋى بار كۇزەت ۇيىمدارىنا، قالاداعى مامانداندىرىلعان دۇكەندەرگە 30 مىڭنان استام تەكسەرۋ جۇرگىزىلدى.
قۇقىق بۇزۋشىلىقتاردىڭ الدىن الۋ، سونداي-اق تىركەلگەن قارۋدى قولدانا وتىرىپ قىلمىس جاساۋ دەرەكتەرىنىڭ الدىن الۋ ماقساتىندا الماتى قالاسى پوليسيا دەپارتامەنتىنىڭ ازاماتتىق جانە قىزمەتتىك قارۋ اينالىمىن باقىلاۋ ءبولىمى مەنشىك يەلەرى مەن پايدالانۋشىلاردىڭ ازاماتتىق جانە قىزمەتتىك قارۋدى، ونىڭ ىشىندە ارنايى جارعىلىق مىندەتتەرى بار زاڭدى تۇلعالاردى، قارۋ اينالىمى تالاپتارىن ساقتاۋىنا تەكسەرۋ جۇرگىزىپ جاتىر، دەپ حابارلايدى Almaty-akshamy.kz Polisia.kz-كە سىلتەمە جاساپ.
«وسىنداي ءىس-شارالار بارىسىندا پوليسيا قىزمەتكەرلەرى قارۋدى ساقتاۋ جاعدايلارىن، بەكىتىلگەن سەيفتىڭ بار-جوعىن، كۇزەت دابىلىنىڭ جۇمىس ىستەپ تۇرعانىن، قارۋدىڭ ءوزىن، قارۋدىڭ نومىرلەرىن ونى ساقتاۋعا جانە الىپ جۇرۋگە رۇقسات ەتىلگەن نومىرلەرمەن سايكەستىگىن تەكسەرەدى. سونىمەن قاتار قارۋ يەلەرىمەن جانە پايدالانۋشىلارمەن قارۋدى ساقتاۋ ەرەجەلەرىن قاتاڭ ساقتاۋ، رۇقساتتاردىڭ قولدانىلۋ مەرزىمىن ساقتاۋ، سونداي-اق قارۋ-جاراق سالاسىنداعى قۇقىق بۇزۋشىلىقتار ءۇشىن اكىمشىلىك جانە قىلمىستىق جاۋاپكەرشىلىكتىڭ دارەجەسى تۋرالى ءتۇسىندىرۋ جۇمىستارى جۇرگىزىلىپ جاتىر، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
سپيكەردىڭ ايتۋىنشا، قابىلدانعان شارالارعا قاراماستان، كەيبىر ازاماتتار قارۋ مەن وق-دارىلەردى ساقتاۋ ەرەجەلەرىن، ولاردى تىركەۋ جانە قايتا تىركەۋ ءتارتىبىن دە بۇزىپ جاتادى. بۇگىنگى تاڭدا پوليسيا قىزمەتكەرلەرى 1250 قارۋ يەسىنىڭ، ونىڭ ىشىندە 20 زاڭدى تۇلعانىڭ زاڭ بۇزۋشىلىقتارىن انىقتادى. – بۇزۋشىلىققا جول بەرگەنى ءۇشىن كورسەتىلگەن قارۋ يەلەرى قولدانىستاعى زاڭناماعا سايكەس اكىمشىلىك جاۋاپكەرشىلىككە تارتىلدى. قۇقىق بۇزۋشىلىقتار ءۇشىن سالىنعان جانە وندىرىلگەن اكىمشىلىك ايىپپۇلدار سوماسى 29 ميلليون تەڭگەدەن استامدى قۇرادى. ءبىر جىل ىشىندە بىرنەشە رەت زاڭ بۇزۋشىلىققا جول بەرگەنى ءۇشىن ءتورت جەكە مەنشىك يەسىنە جانە ءبىر زاڭدى تۇلعاعا قارۋدى ساقتاۋعا جانە الىپ جۇرۋگە رۇقسات قايتارىپ الىندى، – دەدى قۇلبايەۆ.