قىزىن زورلاعان اسكەري قىزمەتكەر ءومىر بويىنا سوتتالدى: ۇكىم وزگەرىسسىز قالدى

وعان حيميالىق كاستراسيالاۋ شاراسى دا قولدانادى

ق ر اسكەري سوتى تۋعان قىزىن زورلاعانى ءۇشىن كىنالى دەپ تانىلعان بۇرىنعى اسكەري قىزمەتكەرگە قاتىستى قىلمىستىق ءىس بويىنشا اپەللياسيالىق شاعىمدى قارادى. ۇكىم وزگەرىسسىز قالدى. سوتتالۋشى قالعان ءومىرىن تەمىر توردىڭ ارعى جاعىندا ءومىر بويى وتەيتىن بولدى. ءارى حيميالىق كاستراسيالاۋ شاراسى دا قولدانادى. بۇل تۋرالى جابىرلەنۋشى تاراپتىڭ ادۆوكاتى اجار ءابدىل مالىمدەدى، دەپ حابارلايدى Almaty-akshamy.kz. 

تەرگەۋ ماتەريالدارىنا سايكەس، اكەسى ايەلىمەن اجىراسقان، ءبىراق قىزىن ۇنەمى جالدامالى پاتەرگە شاقىرىپ، بىرنەشە رەت زورلاعان.

قىز اناسىنا بولعان جايتتى مويىنداۋدان قورىققان، ءبىراق شىندىق اشىلعان كەزدە، ايەل دەرەۋ پوليسياعا ارىز بەردى.

باس اسكەري پروكۋراتۋرانىڭ مالىمەتىنشە، سوتتالۋشىنىڭ كىناسى جابىرلەنۋشى مەن كۋاگەرلەردىڭ ايعاقتارىمەن، سوت ساراپتامالارىنىڭ ناتيجەلەرىمەن جانە قىلمىستىق ءىستىڭ باسقا ماتەريالدارىمەن تولىق دالەلدەنگەن.

مەملەكەتتىك ايىپتاۋشى سوت جارىسسوزدەرىندە جاسالعان ارەكەتتەردىڭ اۋىرلىعىن ەسكەرە وتىرىپ سوتتالۋشىعا قاتىستى ءومىر بويىنا باس بوستاندىعىنان ايىرۋدى قولدانۋ قاجەتتىلىگى تۋرالى بۇلتارتپاس دالەلدەر كەلتىرگەن.