ەندى وگەي اكەسىمەن تۇراتىن بالالاردىڭ وتباسىلارى تەكسەرىلەتىن بولدى.
قۇقىق بۇزۋشىلىقتىڭ الدىن الۋ شارالارىنىڭ تيىمدىلىگىن ارتتىرۋعا مۇمكىندىك بەرەتىن جاڭا جوبا «ە-پريەۆەنسيا» دەپ اتالادى، دەپ حابارلايدى Almaty-akshamy.kz
جاڭا جوبانى تانىستىرعان باس پروكۋراتۋرا، ازىرگە جوبانىڭ تەك استانا قالاسىندا جانە اقتوبە وبىلىسىندا جۇزەگە اسىرىلاتىنىن مالىمدەدى.
«كامەلەتكە تولماعانداردىڭ جىنىستىق تيىسپەۋشىلىگىنە قارسى قىلمىستاردىڭ الدىن الۋ سالاسىندا قولايسىز وتباسىلارعا، كوپ بالالى وتباسىلارعا جانە بالالار وگەي اكەسىمەن بىرگە تۇراتىن وتباسىلارعا ءىس جۇزىندە بارۋ قامتاماسىز ەتىلەدى. جۇيە مۇددەلى ورگاندار: پوليسيا، ءبىلىم بەرۋ، الەۋمەتتىك قىزمەتكەرلەر اراسىنداعى ءوزارا ءىس-قيمىلدىڭ جەتكىلىكتى دەڭگەيىن قامتاماسىز ەتۋگە مۇمكىندىك بەرەدى»، – دەلىنگەن پروكۋراتۋرا تاراتقان حابارلامادا.