الماتىدا پوليسەيلەر الاياقتىق قىلمىستار جاسادى دەگەن كۇدىكپەن ءۇش ايەلدى ۇستادى.
بۇگىنگى تاڭدا ازاماتتارعا كەلتىرىلگەن جالپى شىعىن 346 ميلليون تەڭگەدەن استام سوممانى قۇرايدى، دەپ حابارلايدى aqshamnews.kz Polisia.kz-كە سىلتەمە جاساپ.
الدىن الا مالىمەت بويىنشا قىلمىسكەرلەر حالىقتىڭ الەۋمەتتىك قورعالماعان توپتارىن مەملەكەتتىك تۇرعىن ءۇي باعدارلاماسىنا قاتىسۋدى ۇسىنىپ، الداپ كەتكەن. ولاردىڭ ارەكەتتەرىنىڭ سالدارىنان كوپتەگەن ازاماتتار ايتارلىقتاي ماتەريالدىق شىعىنعا ۇشىرادى.
- اتالعان دەرەككە قاتىستى ق ر قك-نىڭ 190-بابىنىڭ 4-بولىگى - اسا ءىرى كولەمدە جاسالعان الاياقتىق بويىنشا سوتقا دەيىنگى تەرگەۋ امالدارى جۇرگىزىلۋدە. قازىرگى ۋاقىتتا كۇدىكتىلەر قاماۋعا الىندى، تەرگەۋ امالدارى جۇرگىزىلۋدە. پوليسيا زارداپ شەككەندەردىڭ بارلىعىن جانە قىلمىستىق ارەكەتتىڭ قوسىمشا ەپيزودتارىن انىقتاۋ بويىنشا شارالار قابىلداۋدا، - دەدى الماتى قالالىق پد تەرگەۋ باسقارماسىنىڭ باستىعى ايبات مۋرزامادييەۆ.
اتالعان كۇدىكتىلەردىڭ قىلمىستىق ارەكەتتەرىنەن زارداپ شەككەن ازاماتتاردى مىنا تەلەفون نومىرلەرىنە حابارلاسۋىن سۇرايمىز: 8-708-804-17-55؛ 8-747-181-05-74 جانە 8-777-216-17-37.