قازاقستان پرەمەر-مينيسترىنىڭ ءبىرىنشى ورىنباسارى رومان سكليار جۇمىس ساپارىمەن قىتايعا باردى
2023 جىلعى 16 جەلتوقساندا جۇڭگو تاراپىنىڭ شاقىرۋىمەن ق ر پرەمەر-مينيسترىنىڭ ءبىرىنشى ورىنباسارى رومان سكليار جۇمىس ساپارىمەن قىتايدىڭ ماڭىزدى ونەركاسىپتىك، يننوۆاسيالىق جانە ءعىلىمي-بىلىم بەرۋ ورتالىقتارىنىڭ ءبىرى حەفەي قالاسىنا (انحوي پروۆينسياسى) باردى.
اتالعان ساپار بارىسىندا رومان سكليار انحوي پروۆينسياسى پارتيا كوميتەتىنىڭ حاتشىسى حان سزيۋنمەن جانە انحوي پروۆينسياسى حالىق ۇكىمەتىنىڭ ءتوراعاسى ۆان سينسيانمەن كەلىسسوزدەر جۇرگىزىپ، ونىڭ اياسىندا تاراپتار قازاقستان وڭىرلەرى مەن انحوي پروۆينسياسى اراسىنداعى ساۋدا-ەكونوميكالىق، ينۆەستيسيالىق، ونەركاسىپتىك جانە مادەني-گۋمانيتارلىق ىنتىماقتاستىقتى ودان ءارى تەرەڭدەتۋدىڭ وزەكتى ماسەلەلەرىن تالقىلادى.
ءىس-شارانىڭ قورىتىندىسى بويىنشا «استانا موتورس» ج ش س مەن قىتايلىق «Chery International Co.، Ltd.» اۆتوموبيل جاساۋ كومپانياسى اراسىندا ىنتىماقتاستىق تۋرالى مەموراندۋمعا قول قويۋ ءراسىمى ءوتتى، وندا «الماتى» يندۋستريالىق ايماعىندا اۆتوونەركاسىپتىك پاركتىڭ بىرلەسكەن قۇرىلىسى سالاسىندا جوعارىدا اتالعان ق ر مەن قحر كاسىپورىندارى اراسىنداعى ستراتەگيالىق ىنتىماقتاستىقتى دامىتۋدى كوزدەلگەن.
ساپار سوڭىندا قازاقستاندىق دەلەگاسيا «JAC Group» – «JAC Xinggang» جانە «JAC NIO» قىتايلىق ءىرى اۆتوموبيل جاساۋ كومپانيالارىنىڭ ءبىرى، سونداي-اق حەفەي قالاسىنىڭ ەكونوميكالىق جانە تەحنولوگيالىق دامۋ ايماعىن ارالاپ، «Sungrow Power Supply Co.، Ltd.» جۇڭگو ەنەرگەتيكالىق كومپانياسىنىڭ وندىرىستىك بازالارىنىڭ نەگىزگى قىزمەتىمەن تانىستى.