جولاۋشىلارعا قولايلى جاعداي: الماتىدا اۆتوبۋس باعىتى جول ءجۇرۋ ۋاقىتىن قىسقارتۋ ماقساتىندا ەكىگە ءبولىندى
قالالىق موبيلدىلىك باسقارماسى تۇركسىب اۋدانىنىڭ ايشا ءبيبى شاعىن اۋدانى مەن ىنتىماق اۋىلىنىڭ تۇرعىندارى ءۇشىن جول ءجۇرۋ ۋاقىتىن قىسقارتۋ ماقساتىندا №215 اۆتوبۋس مارشرۋتىن ەكى باعىتقا ءبولۋ تۋرالى شەشىم قابىلدادى.
باعىتتار بىلاي ءبولىندى:
№93: «ادەم» ءسۇ» – ايشا ءبيبى ش/ا.» باعىتى. كۇندەلىكتى 12 اۆتوبۋس شىعادى، جوسپارلى ارالىق – 14 مينۋت. قىزمەت كورسەتۋ «دۋمان ترانس سوم 2019» ج ش س بەرىلگەن.
№215: «الماتى-1» ت/ج ۆوكزالى – ىنتىماق اۋىلى» باعىتى. كۇندەلىكتى 12 اۆتوبۋس شىعادى، جوسپارلى ارالىق – 11 مينۋت. قىزمەت كورسەتۋ «ولجاس LTD» ج ش س بەرىلگەن.
ەستەرىڭىزگە سالا كەتەيىك، بيىل مەگاپوليس باسشىسى ەربولات دوسايەۆتىڭ تاپسىرماسىمەن اكىمدىك 600 اۆتوبۋس، 112 تروللەيبۋس جانە 100 ەلەكترواۆتوبۋس ساتىپ العان بولاتىن. جىل باسىنان بەرى قمب 18 قالا ماڭىنداعى جانە 3 قالالىق مارشرۋت ۇيىمداستىردى.