"ديكيي ارمان" ءىسى بويىنشا ۇكىم قاڭتاردىڭ باسىندا شىعۋى مۇمكىن
ارمان جۇماگەلدييەۆكە (ديكيي ارمان) قاتىستى سوت ءىسى اياقتالۋعا جاقىن. بۇل تۋرالى ونىڭ ادۆوكاتى ولەگ چەرنوۆ مالىمدەدى، - دەپ حابارلايدى aqshamnews.kz
"ارمان جۇماگەلدييەۆ ءىسى بويىنشا سوت تەرگەۋى اياقتالدى. ءقازىر پروكۋرور ايىپتاۋشى تاراپ رەتىندە سويلەپ جاتىر. ايىپتالۋشىلار ءۇشىن ۇلكەن مەرزىمدەر سۇرالۋدا. جەلتوقساننىڭ سوڭىنا دەيىن پروسەستى اياقتاپ، قاڭتاردىڭ باسىندا ۇكىم جاريالانادى دەپ ويلايمىن"، – دەدى ادۆوكات.
كريمينالدىق اۆتوريتەت رەتىندە تانىلعان ارمان جۇماگەلدييەۆتىڭ ءىسى سوتقا وتكەن جىلدان بەرى قارالىپ جاتىر. سوتتالۋشىلار قاتارىندا بۇرىنعى الماتى ءماسليحاتىنىڭ دەپۋتاتى قايرات قۇدايبەرگەن دە بار.
جۇماگەلدييەۆكە قاڭتار وقيعاسى كەزىندە جاپپاي تارتىپسىزدىكتەردى ۇيىمداستىرۋ، وعان قاتىسۋ، اتىس قارۋىن ۇرلاۋ جانە زاڭسىز باس بوستاندىعىنان ايىرۋ ايىپتارى تاعىلعان. ال قۇدايبەرگەن، تەرگەۋ نۇسقاسى بويىنشا، "ديكيي ارمانعا" قوسىلۋعا بەلسەندى تۇردە شاقىرعان.