ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ الماتى قالاسى بويىنشا فيليالىنىڭ بازاسىندا «مەملەكەتتىك قىزمەت» مۋزەيىنىڭ جاڭا فورماتتا اشىلۋىنا وراي «ۇرپاقتار ساباقتاستىعى» اتتى مەملەكەتتىك قىزمەت ارداگەرلەرىمەن كەزدەسۋ ءوتتى.
ءىس-شارانى الماتى قالاسى اكىمى اپپاراتى مەن ق ر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتى بىرلەسىپ ۇيىمداستىردى. كەزدەسۋگە الماتى قالاسى اكىمى اپپاراتى باسشىسىنىڭ ورىنباسارى ب. قابدول، ق ر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى ش. ءالىمحان، “تالىمگەرلەر كەڭەسىنىڭ” مۇشەلەرى، مەملەكەتتىك قىزمەت ارداگەرلەرى، ۇزدىك مەملەكەتتىك قىزمەتكەرلەر مەن كۋرس تىڭداۋشىلارى قاتىستى.
«مەملەكەتتىك قىزمەت» مۋزەيىن قۇرۋ باستاماسى قازاقستان رەسپۋبليكاسى مەملەكەتتىك قىزمەت ىستەرى اگەنتتىگى ءتوراعاسىنىڭ مەملەكەتتىك قىزمەتشىنىڭ وڭ بەينەسىن قالىپتاستىرۋ جونىندەگى 2023-2025 جىلدارعا ارنالعان ءىس-شارالار جوسپارىنا نەگىزدەلگەن. مۋزەيدىڭ ماقساتى – مەملەكەتتىك قىزمەتتىڭ تاريحى مەن جەتىستىكتەرىن ناسيحاتتاۋ، تاريحي قۇجاتتار مەن ماڭىزدى وقيعالاردى كورسەتۋ ارقىلى مەملەكەتتىك قىزمەتتىڭ وڭ ءيميدجىن قالىپتاستىرۋ. سونىمەن قاتار، كەيىنگى ۇرپاققا مەملەكەتتىك قىزمەتتىڭ مۇرالارىن جەتكىزە وتىرىپ، ۇرپاقتار اراسىنداعى ساباقتاستىقتى قامتاماسىز ەتۋ.
كەزدەسۋگە قاتىسقان مەملەكەتتىك قىزمەت ارداگەرلەرى مۋزەي جۇمىسىنا قاتىستى پىكىرلەرىن ءبىلدىرىپ، ونى دامىتۋ مەن جادىگەرلەرمەن تولىقتىرۋ جونىندە ءوز ۇسىنىستارىن ايتتى.
فيليال ديرەكتورى ايگەرىم ابيلوۆا مۋزەيدىڭ بولاشاعىنا توقتالا وتىرىپ:
«مەملەكەتتىك قىزمەت» مۋزەيى الداعى ۋاقىتتا فيليال بازاسىندا ءبىلىم الۋشى جاستار مەن ستۋدەنتتەر ءۇشىن مەملەكەتتىك قىزمەتتىڭ دامۋ كەزەڭدەرىن تانىستىرىپ، ارداگەرلەردىڭ قاتىسۋىمەن موتيۆاسيالىق ورتالىققا اينالادى»، – دەدى.
جاڭا فورماتتاعى مۋزەي مەملەكەتتىك قىزمەتتى دامىتۋ مەن ۇرپاقتار ساباقتاستىعىن ناسيحاتتاۋدىڭ ماڭىزدى الاڭىنا اينالماق.