الماتىدا جولاۋشىلار اۆتوبۋسىنىڭ جۇرگىزۋشىسى جاياۋ جۇرگىنشىلەر وتكەلىندە قىزدى قاعىپ كەتتى، دەپ حابارلايدى aqshamnews.kz ءتىلشىسى.
الەۋمەتتىك جەلىلەردە كولىك قۇرالىمەن قىزدى قاعىپ كەتۋ ءساتى تۇسىرىلگەن ۆيدەو جاريالاندى. جول اپاتى كەشە، 9 جەلتوقساندا، كۇندىز بولعان.
الماتى پوليسيا دەپارتامەنتى وقيعا بولعانىن راستادى.
"ساعات 10:54-تە الماتى قالاسىنىڭ المالى اۋدانىندا باتىس باعىتتا تولە بي داڭعىلى بويىمەن كەلە جاتقان اۆتوبۋس جۇرگىزۋشىسى يسايەۆ كوشەسىمەن قيىلىسقان تۇستا 2007 جىلى تۋعان، بەلگىلەنگەن جاياۋ جۇرگىنشىلەر وتكەلىمەن ءوتىپ بارا جاتقان جاياۋ جۇرگىنشىنى قاعىپ كەتكەن. جابىرلەنۋشى اۋرۋحاناعا جەتكىزىلدى"، - دەلىنگەن حابارلامادا.
الماتى قالاسى تەرگەۋ باسقارماسى جول اپاتىنا قاتىستى قىلمىستىق ءىس قوزعادى. اۆتوبۋس جۇرگىزۋشىسى قاماۋعا الىنىپ، ۋاقىتشا ۇستاۋ يزولياتورىنا قامالدى.