الماتىدا سپورت پەن تۋريزم سالاسىندا جۇزەگە اسىرىلىپ جاتقان جوبالار تۋرالى قالا اكىمى دارحان ساتىبالدى ءماسليحات سەسسياسىندا باياندادى.
اكىمنىڭ ايتۋىنشا، مەملەكەت باسشىسىنىڭ تاپسىرماسى بويىنشا حالىقارالىق دەڭگەيدەگى ستاديون قۇرىلىسى جالعاسادى. ءقازىر ونىڭ سىيىمدىلىعىن 35 مىڭنان 45 مىڭ ورىنعا دەيىن ارتتىرۋ ماسەلەسى قاراستىرىلىپ جاتىر. جوبا 2027 جىلدىڭ سوڭىندا بىتەدى دەپ جوسپارلانعان.
"سونداي-اق "مەدەۋ" مۇز ايدىنىنداعى ينجەنەرلىك كوممۋنيكاسيالاردى تولىق اۋىستىرۋ ارقىلى جاڭعىرتۋ جۇرگىزىلىپ جاتىر"، – دەدى دارحان ساتىبالدى.
سونىمەن قاتار، ونىڭ ايتۋىنشا، 2025-2029 جىلدارعا ارنالعان الماتى تاۋ كلاستەرىن دامىتۋدىڭ كەشەندى جوسپارى جۇزەگە اسىرىلىپ جاتىر. وسى جوسپار اياسىندا تۋريستىك، كولىكتىك جانە ينجەنەرلىك ينفراقۇرىلىم نىساندارى سالىنادى.