الماتىدا اۆتوبۋس جۇرگىزۋشىسى رۋلگە يە بولا الماي باعدارشام مەن گاز قۇبىرىنا سوعىلىپ، جاياۋ جۇرگىنشىنى قاعىپ كەتتى.
وقيعانىڭ ۆيدەوسى الەۋمەتتىك جەلىدە تارادى. بەينەجازبادان №100 جولاۋشىلار اۆتوبۋسى جولدىڭ شەتىنە شىعىپ كەتكەنىن كورۋگە بولادى، دەپ حابارلايدى Almaty-akshamy.kz.
الماتى قالالىق پوليسيا دەپارتامەنتىنىڭ مالىمەتىنشە، جول-كولىك وقيعاسى 23 قازان كۇنى تۇسكى ساعات 12:00 شاماسىندا مەدەۋ اۋدانىندا بولدى.
«Foton» اۆتوبۋسىنىڭ جۇرگىزۋشى حاليۋللين كوشەسىمەن باتىس باعىتتا كەلە جاتىپ تاتتىبەكوۆ كوشەسىنىڭ قيىلىسىندا رۋلگە يە بولا الماي، جول جيەگىنە شىعىپ باعدارشام مەن گاز قۇبىرىنا سوعىلدى»، - دەپ حابارلادى دەپارتامەنتتەن.
جول اپاتى سالدارىنان 59 جاستاعى جاياۋ جۇرگىنشى زارداپ شەكتى. ول اۋرۋحاناعا جەتكىزىلدى.
«بۇل فاكتى بويىنشا مەدەۋ اۋداندىق پوليسيا باسقارماسى تەكسەرۋ جۇمىستارىن باستادى. ءتيىستى ساراپتامالار تاعايىندالادى، ءمان-جاي انىقتالۋدا»، - دەپ اتاپ ءوتتى ۆەدومستۆودان.