قارجىلىق مونيتورينگ اگەنتتىگى «قازاقستاننىڭ ينۆەستيسيالىق قورى» اق زاڭسىز جەكەشەلەندىرۋ فاكتىسى بويىنشا تەرگەۋدى جالعاستىرۋدا.
تەرگەۋ بارىسىندا «بايتەرەك» «ۇبح» اق مەنشىگىنە قۇنى 63،3 ملرد تەڭگە بولاتىن قيق-نىڭ 100% اكسياسىن قايتارۋ قامتاماسىز ەتىلدى. ايتا كەتەيىك، سوتقا دەيىنگى تەرگەۋ باستالعان كەزدە قوردىڭ قازاقستاننىڭ دامۋ بانكى الدىندا 18،7 ملرد تەڭگە كولەمىندە بورىشى بولعان.
اگەنتتىكپەن قابىلدانعان شارالارمەن، سونىڭ ىشىندە قولما-قول اقشامەن وتەۋ ەسەبىنەن بەرەشەك ءۇش ەسەگە تومەندەتىلدى.
سونىمەن قاتار، 12 ەنشىلەس كومپانيا قوردىڭ باقىلاۋىنا قايتارىلدى. بۇل مەتالل كونسترۋكسيالارىن، جول جانە قۇرىلىس بيتۋمىن شىعارۋ، شينالاردى جانە ءىرى قارا مالدىڭ تەرىسىن قايتا وڭدەۋ، قاعاز-كارتون ونىمدەرى، جەلىمدەلگەن اعاش كونسترۋكسيالار، باعىتتامالى بۇرمالاردى شىعارۋ زاۋىتتارى جانە پوليگرافيا.
قيق بالانسىنا الماتى قالاسىنداعى بيزنەس-ورتالىقتىڭ عيماراتى جانە الماتى وبلىسىنداعى قۇنى 1،6 ملرد تەڭگەدەن اساتىن جەر ۋچاسكەلەرى قايتارىلدى.
سونداي-اق، «Dosjan Temir Joly» اق جىلىنا نەبارى 100 ملن تەڭگەگە 10 جىل مەرزىمگە سەنىمگەرلىك باسقارۋعا بەرۋ تۋرالى شارت جويىلدى. كاسىپورىننىڭ 2022 جىلدىڭ قورىتىندىسى بويىنشا تازا پايداسى 1،3 ملرد تەڭگەنى قۇراعانىمەن، باستاپقى باعالاۋ كەزىندە بۇل ەسكەرىلمەگەن.
اكتيۆتەردى مەملەكەت پايداسىنا قايتارۋ جونىندەگى جۇمىس جالعاستىرىلاتىن بولادى.