ىشكى تۋريستەردىڭ جالپى سانى 8،6 ملن ادام بولدى
تۋريستەردى ورنالاستىرۋ بويىنشا الماتى، استانا جانە شىمكەنت قالالارى كوش باستاپ تۇر. بۇل تۋرالى مادەنيەت جانە سپورت مينيسترلىگى مالىمدەدى، دەپ حابارلايدى Almaty-akshamy.kz.
2022 جىلى قازاقستاندا ءقوناقۇي قىزمەتىن پايدالاناتىن تۋريستەردىڭ جالپى سانى 7،3 ميلليون ادامعا جەتتى. بۇل ساننىڭ 45%-دان استامى ءۇش مەگاپوليسكە تيەسىلى.
بۇل رەتتە تەك ىشكى تۋريستەردىڭ جالپى سانى 8،6 ملن ادام بولدى. مىسالى، الماتىدا 1،8 ميلليون تۋريست (417،4 مىڭ – شەتەلدىك تۋريستەر)، استانادا 1،2 ميلليونعا جۋىق ادام، (238،5 مىڭ شەتەلدىك)، ال شىمكەنتتە 450 مىڭعا جۋىق تۋريست (36،5 مىڭ شەتەلدىك) بولعان.
تۋريستەر بارىنەن دە ۇلىتاۋ وبلىسىنا از بارعان: 25 مىڭنان ءسال استام ادام. ودان كەيىن قىزىلوردا جانە باتىس قازاقستان وبلىستارى كەلەدى. بۇل ەكى ايماقتا دا ءقوناقۇي، حوستەل قىزمەتىن 100 000 ادام پايدالانعان.
قازاقستانعا تۋريستەر شەتەلدەن كوبىرەك كەلەدى. مينيسترلىك 2029 جىلعا قاراي قازاقستانداعى ىشكى تۋريستەر سانىن 11 ميلليون ادامعا، ال كەلگەن تۋريستەر سانىن 4 ميلليون ادامعا جەتكىزۋدى كوزدەپ وتىر. وسى ماقساتتا جۋىردا قابىلدانعان تۋريستىك سالانى دامىتۋ تۇجىرىمداماسىندا ناقتى شارالار قاراستىرىلعان.