2023 جىلعى 27-28 ساۋىردە الماتى قالاسىندا «قازاقستاننىڭ اۆياسيالىق اكىمشىلىگى» اق ازاماتتىق اۆياسيا كوميتەتىنىڭ قاتىسۋىمەن «اۆياسيالىق قاۋىپسىزدىك جونىندەگى ۇيلەستىرۋ توبىنىڭ ءبىرىنشى وتىرىسىن» وتكىزەدى.
بۇل تۋرالى «قازاقستاننىڭ اۆياسيالىق اكىمشىلىگى» اق-نىڭ باسپا ءسوز قىزمەتى حابارلادى.
ءىس-شاراعا ءازىربايجان، گرۋزيا، قىرعىزستان، وزبەكستان جانە تاجىكستان قاتىسۋشى مەملەكەتتەردىڭ اۆياسيالىق بيلىك ورىندارىنىڭ باسشىلىعى قاتىسادى.
وتىرىستا ق ر ييدم ازاماتتىق اۆياسيا كوميتەتىنىڭ ءتوراعاسى – تالعات لاستايەۆ، قازاقستاننىڭ اۆياسيالىق اكىمشىلىگىنىڭ باس ديرەكتورى – كاتالين رادۋ، قاتىسۋشى ەلدەردىڭ وكىلدەرى جانە حالىقارالىق اۆياسيا ساراپشىلارى ءسوز سويلەيدى.
ازاماتتىق اۆياسيادا قاۋىپسىزدىكتى قامتاماسىز ەتۋ ءۇشىن قاجەتتى اقپاراتپەن جەدەل الماسۋ ماسەلەلەرى قارالاتىن بولادى. ۇيلەستىرۋ توبىنا مۇشە مەملەكەتتەردىڭ ورتاق ارتىقشىلىقتارىنا قول جەتكىزۋگە باعىتتالعان، ونىڭ ىشىندە يكاو ستاندارتتارى مەن ۇسىنىلاتىن پراكتيكاسىن ءتيىمدى جانە ۋاقتىلى ەنگىزۋ جونىندەگى ءبىرىڭعاي ساياساتتى ازىرلەۋ.
وتەتىن ورنى: "ازاماتتىق اۆياسيا اكادەمياسى" اق اۆياسيالىق قاۋىپسىزدىك جونىندەگى يكاو وقۋ ورتالىعى، الماتى ق.، احمەتوۆ كوشەسى، 44