ءبىر عانا الماتىدا 30 ءىرى-ىرى ۆولونتەرلىك ۇيىم جۇمىس ىستەيدى. وڭىرلىك كوممۋنيكاسيالار قىزمەتى الاڭىندا ۆولونتەرلىك قوزعالىستار قانداي جوبالاردى جۇزەگە اسىرىپ جاتقانىن، جوسپارلارى مەن جاستاردى قوعامدىق بەلسەندىلىككە تارتۋ تۋرالى الماتى قالاسى جاستار ساياساتى باسقارماسى باسشىسىنىڭ ورىنباسارى ءازيز قاجدەنبەك پەن الماتى قالاسى بويىنشا ۆولونتەرلار ءفرونت-وفيسى «QAMQOR CHARITY» قوعامدىق قورىنىڭ ءتورايىمى باعدات اناربايەۆالار بايانداپ بەردى،-دەپ حابارلايدى Almaty-akshamy.kz.
ءبىرقاتار ءىرى ۆولونتەرلىك قوزعالىستاردىڭ قاتارىنا وف «ليگا ۆولونتەروۆ كازاحستانا»، وف «QAMQOR CHARITY»، «LIDER.kz»، «كلۋب دوبرياكوۆ الماتى»، «كوماندا SOS»، روو «مەديسينسكايا مولودەج» («قازاقستان ەرىكتىلەر ليگاسى» قق، «QAMQOR CHARITY» قق، «LIDER.kz»، «الماتى قالاسىنىڭ مەيىرىمدىلەر كلۋبى»، «SOS كومانداسى»، «مەديسينالىق جاستار») قوعامدىق ۇيىمى جانە ت.ب. ۇيىمداردىڭ دەرەكتەر بازاسىندا 50 مىڭنان استام ۆولونتەرى بار.
«ءبىزدىڭ قالادا Depo Evolution Park ورتالىعى بار – بۇل جاستاردىڭ جينالاتىن جەرى. ءبىزدىڭ ۆولونتەرلىك كەڭسە وسى ورتالىقتا ورنالاسقان. ۆولونتەرلىك ءفرونت-وفيستىڭ باستى ماقساتى – ءتۇرلى ۇيىمداردى بىرىكتىرىپ، جوبالاردى بىرلەسىپ جۇزەگە اسىرۋ»، – دەدى ا.قاجدەنبەك.
ۆولونتەرلەردىڭ ءفرونت-وفيسى ۆولونتەرلار مەن ۆولونتەرلىك ۇيىمدارعا كەڭەس بەرۋ جانە قولداۋ كورسەتۋ قىزمەتىن اتقارادى، ونىڭ جۇمىسى مەملەكەتتىك الەۋمەتتىك تاپسىرىس شەڭبەرىندە جۇزەگە اسىرىلادى.
«ءفرونت-وفيستىڭ جۇمىسى جاستاردىڭ قالانىڭ الەۋمەتتىك-ەكونوميكالىق، الەۋمەتتىك، سپورتتىق ومىرىنە بەلسەنە قاتىسۋىن ارتتىرۋعا باعىتتالعان، ۆولونتەرلىك قىزمەتكە تارتىلعان ازاماتتاردىڭ ۇلەسىن ارتتىرۋعا، ولاردىڭ مەملەكەتتىك ورگاندارمەن ءوزارا ارەكەتتەسۋ تەتىكتەرىن جەتىلدىرۋگە باعىتتالعان، مەملەكەتتىك مەكەمەلەر مەن ازاماتتاردى حالىقتىڭ الەۋمەتتىك ماڭىزدى ماسەلەلەرىن شەشۋگە قاتىسۋعا تارتۋ»، - دەدى ب.اناربايەۆا.
سونىمەن قاتار، قالالىق ەرىكتىلەر ءتۇرلى جوبالاردى ۇيىمداستىرىپ، وتكىزەدى. ماسەلەن، «Narkostop» جوباسى اياسىندا الماتىلىق جاستار تىيىم سالىنعان زاتتاردىڭ جارناماسىن بوياۋ بويىنشا تۇراقتى جۇمىس جۇرگىزىلگەن. ەرىكتىلەر قارت ادامدارعا كومەك بەرىپ، جالعىزباستى زەينەتكەرلەردىڭ بوس ۋاقىتىن قىزىقتى وتكىزۋدى ۇيىمداستىرعان. بۇل ءۇشىن اپتا سايىن 50 ۆولونتەر تارتىلعان. سونىمەن قاتار، جىل باسىنان بەرى ءتۇرلى پانسيوناتتار مەن الەۋمەتتىك ورتالىقتاردا 30-دان استام كەڭەستىك كينو كەشتەرى ۇيىمداستىرىلعان.
«ساباقتاستىق» باعىتى اياسىندا 27 ءىس-شارا وتكىزىلىپتى. اتاپ ايتقاندا، ءتۇرلى شەبەرلىك سىنىپتارى مەن كاسىپتىك باعدار بەرۋ، قۇستارعا جەم سالاتىن جاشىك بۇيىمدار جاساۋ، قولونەر جانە وريگامي، مانەرلەپ سىرعاناۋ، «جانۇيا» بالالار ءۇيىنىڭ تاربيەلەنۋشىلەرىمەن VR ورتالىعىنا ساياحات، «بالالار اۋىلى»، «SOS»، «جاستار ءۇيى». بۇل اتالعان ءىس-شارالارعا 80-نەن استام ەرىكتىلەر مەن 200 بالا قاتىستىرىلعان.
سونىمەن قاتار، ەرىكتىلەر ءىز-تۇسسىز جوعالعانداردى ىزدەۋگە بەلسەندى اتسالىسقان. جىل باسىنان بەرى 30 ادامنان تۇراتىن ەرىكتى جاساق 69 ادامدى تابىپۋىنا مۇمكىندىك جاساعان. ايتا كەترەلىگى جىل باسىنان بەرى بارلىعى 649 ىزدەۋ، سۇراۋلار كەلىپ تۇسكەن.
الەمدە بولىپ جاتقان جاعدايلاردا ەرىكتىلەردى بەي-جاي قالدىرماعان. قالا ەرىكتىلەرى تۇركياداعى جەر سىلكىنىسىنەن زارداپ شەككەندەرگە گۋمانيتارلىق كومەك كورسەتۋ جۇمىستارىن دا بەلسەنە ارالاسىپ، 51،5 توننادان استام گۋمانيتارلىق كومەك جيناپ، جونەلتكەن.
سونىمەن قاتار، زارداپ شەككەندەر مەن قانعا مۇقتاج جاندارعا كومەك كورسەتۋ ماقساتىندا وسى جىلدىڭ ناۋرىز ايىندا «مەن جاۋاپتى دونورمىن» اتتى قان تاپسىرۋ ناۋقانى ۇيىمداستىرىلدى. اكسياعا الماتى قالاسىنىڭ جاستارى، سونداي-اق ءتۇرلى قوعامدىق جانە قايىرىمدىلىق ۇيىمدارىنىڭ وكىلدەرى، جۋرناليستەر مەن قوعام بەلسەندىلەرى قاتىسقان. جاستار رەسۋرستىق ورتالىعىندا دونورلاردى «Birgemiz:Saulyq» مەديسينالىق ەرىكتىلەرى مەن «QAMQOR CHARITY» قق ەرىكتىلەرى قارسى الىپ، قولداۋ كورسەتتى.
جاستار ساياساتى باسقارماسى ەرىكتىلەرمەن بىرلەسىپ، «جاسىل ەل» جوباسىن جۇزەگە اسىرۋدى جوسپارلاپ وتىر. شارا اياسىندا 10 مىڭ قالا جاستارىن جۇمىسپەن قامتۋ كوزدەلۋدە.