ءىىم م.ەسبولاتوۆ اتىنداعى الماتى اكادەمياسىندا قىزمەتكە جاڭا تاعايىندالعان جاس قىزمەتكەرلەر قازاقستان رەسپۋبليكاسىنىڭ كونستيتۋسياسى مەن زاڭنامالارىن قاتاڭ ساقتاۋعا، ءوز لاۋازىمدىق قىزمەتتەرىن ادال اتقارۋعا سالتاناتتى تۇردە انت بەردى، دەپ حابارلايدى Almaty-akshamy.kz.
جاس قىزمەتكەرلەر الدىندا ءسوز سويلەگەن الماتى اكادەمياسىنىڭ باستىعى ا.سايتبەكوۆ جاس قىزمەتكەرلەردى ومىرلەرىندەگى ەرەكشە ەستە قالار وقيعا – انت قابىلداۋلارىمەن قۇتتىقتاپ، قازاقستان پوليسياسىنىڭ مارتەبەسىن ارتتىرۋعا وزدەرىنىڭ ۇلگىلى قىزمەتتەرىمەن ايانباي ۇلەس قوساتىندارىنا سەنىم ءبىلدىردى.
«سىزدەر وتان الدىنداعى جاۋاپكەرشىلىكتەرىڭىزدى ءتۇسىنىپ، ەلگە ادال قىزمەت ەتۋ ءۇشىن بۇگىن انت قابىلدادىڭىزدار. ەندىگى پارىزدارىڭىز – جاڭا قازاقستاننىڭ جارقىن بولاشاعى مەن ۇلتىمىزدىڭ مارتەبەسى ءۇشىن ايانباي تەر توگىپ، ەڭبەك ەتۋ. انتقا ادال بولىپ، ىشكى ىستەر ورگاندارى ءۇشىن بىلىكتى كادرلار دايارلايتىن الماتى اكادەمياسىنىڭ بەدەلىن ارتتىرۋعا ات سالىسادى دەپ سەنەمىن»، – دەدى ا.سايتبەكوۆ.
انت قابىلداۋ سالتاناتىنان كەيىن الماتى اكادەمياسى جەكە قۇرامىنىڭ جازعى كيىم ۇلگىسىنە كوشۋىنە بايلانىستى ساپتىق بايقاۋ وتكىزىلدى.