الماتىدا الماتى وبلىسى اۋىلشارۋاشىلىعى تاۋار وندىرۋشىلەرىنىڭ كەڭەيتىلگەن جارمەڭكەسى جالعاسۋدا. جارمەڭكەگە الماتى وبلىسىنىڭ 60 شارۋا قوجالىعى قاتىسىپ جاتىر. جارمەڭكە ساعات 8.00-دەن 17.00-گە دەيىن وتەدى دەپ حابارلايدى almaty-akshamy.kz
جارمەڭكەدە 40-تان استام ءونىم تۇرلەرى (ەت، ءسۇت، جەمىس-كوكونىس، شۇجىق ونىمدەرى، وسىمدىك جانە جانۋار مايى جانە ت.ب.) ۇسىنىلادى. ءونىمنىڭ جالپى كولەمى – 150 توننا، ونىڭ ىشىندە ەت – 25 توننا، جەمىس-كوكونىس – 100 توننا، ءسۇت – 10 توننا، بالىق – 5 توننا، وزگەلەرى - 10 توننا.
وتەتىن ورنى: شيەۆچەنكو كوشەسىندەگى «شوقان ءۋاليحانوۆ» الاڭى، قونايەۆ كوشەسى مەن پۋشكين كوشەسىنىڭ اراسى. سونىمەن قاتار، دەمالىس كۇنگى اۋىل شارۋاشىلىعى جارمەڭكەلەرى قالانىڭ مىنا اۋداندارىندا دا وتەدى:
1. گوگول-ماسانچي كوشەسى (المالى اۋدانى)؛
2. «قازاقفيلم» شاعىن اۋدانى (بوستاندىق اۋدانى)؛
3. اباي داڭعىلى مەن وتەگەن باتىر كوشەسىنىڭ قيىلىسى (اۋەزوۆ اۋدانى)؛
4. مەڭدىقۇلوۆ كوشەسى مەن بەكتۇروۆ كوشەسىنىڭ قيىلىسى، شيەۆچەنكو كوشەسى مەن قونايەۆ كوشەسىنىڭ قيىلىسى (مەدەۋ اۋدانى).