كوشەنىڭ ۇزارۋى قوزعالىس جۇكتەمەسىن ازايتىپ، جولاۋشىلار اعىمىن كوبەيتۋگە مۇمكىندىك بەرەدى.
28 مامىر كۇنى ۇزىندىعى 0،8 شاقىرىمدى قۇرايتىن اۋەزوۆ كوشەسى بويىمەن گوگول كوشەسىنەن رايىمبەك باتىر داڭعىلىنا دەيىن بولىكتە ءتورت جولاقتى جاڭا جول اشىلادى، دەپ حابارلايدى Almaty-akshamy.kz
ۇزارتۋ كەزىندە ماگيسترالدى جىلۋ جۇيەسى جەلىسىن قايتا ورنالاستىرۋ، وتپەلى جانە باعانالى باعدارشامدارمەن بىرگە ءتورت تەمىر جول وتكەلىن قايتا جاسالدى، ارىق جۇيەسىن جاڭارتۋ مەن كورشىلەس اۋماقتى اباتتاندىرۋ جۇمىستارى جۇرگىزىلدى. جۇمىستار ماۋسىم ايىنىڭ اياعىنا دەيىن تولىق اياقتالادى دەپ جوسپارلانۋدا.
بۇرىن اۋەزوۆ كوشەسى سولتۇستىك باعىتتا گوگول كوشەسىمەن تۇيىقتالاتىن. ال بۇل اۋداندا سولتۇستىك-وڭتۇستىك باعىتى بويىنشا كوشە-جول جەلىسى جەتىسپەيتىندىگى بايقالعان ەدى.