الماتىدا اتاۋلى الەۋمەتتىك كومەك 48 مىڭنان استام ادامعا تاعايىندالدى، ونىڭ ىشىندە 37 مىڭنان استامى تولەم الدى.
مەگاپوليستە وسى ماقساتتارعا 4،5 ملن تەڭگەدەن استام قارجى ءبولىندى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسىنىڭ مانساپ ورتالىعىنىڭ وكىلدەرى ءمالىم ەتتى، دەپ حابارلايدى Almaty-akshamy.kz.
كەدەيلىك شەگىن توقسان سايىن جەرگىلىكتى اتقارۋشى ورگاندار ەڭ تومەنگى كۇنكورىس دەڭگەيىنىڭ 70% مولشەرىندە بەلگىلەيدى. الماتى قالاسىندا 2023 جىلدىڭ 3 توقسانىنداعى كەدەيلىك شەگى 34 929 تەڭگەنى قۇرايدى.
«ااك-كە ۇمىتكەر تۇلعالار كونسۋلتاسيالار الۋ ءۇشىن جانە ارناۋلى الەۋمەتتىك كورسەتىلەتىن كىزمەتتەردى ۇسىنىلۋ شارتتارى تۋرالى اكپارات الۋعا، تۇرعىلىقتى تىركەلگەن مەكەن-جايى بويىنشا مانساپ ورتالىعىنىڭ قىزمەتكەرلەرىنە جۇگىنە الادى نەمەسە ونلاين ءوتىنىش بەرە الادى. ۇمىتكەرلەر ءوتىنىش بەرۋ ءۇشىن، تۇرعىلىقتى مەكەن- جايعا تۇراقتى نەمەسە ۋاقىتشا تىركەلۋ قاجەت جانە ۋاقىتشا تىركەلگەن جاعدايدا ااك -كە 6 اي وتكەن سوڭ عانا ءوتىنىش بەرە الادى. مەملەكەتتىك قىزمەت تولىق اۆتوماتتاندىرىلعان جانە سيفرلاندىرىلعان. اتاۋلى الەۋمەتتىك كومەكتى تاعايىنداۋ ءۇشىن قۇجاتتاردى قولما-قول وتكىزۋ تالاپ ەتىلمەيدى. ااك تاعايىنداۋ ءۇشىن ۇمىتكەرلەرگە توقسان سايىن ءوتىنىش بەرۋى قاجەت»، - دەپ اقپاراتتاندىردى الماتى قالاسى مانساپ ورتالىعىنىڭ جەتەكشىسى ادىلەت جاڭابايەۆ.
اتاۋلى الەۋمەتتىك كومەك شارتسىز اقشالاي كومەك نەمەسە شارتتى اقشالاي كومەك تۇرىندە تاعايىندالادى.
شارتسىز اقشالاي كومەك كورسەتىلەدى:
1) جۇمىسپەن قامتۋعا جاردەمدەسۋ شارالارىنا كاتىسۋعا مۇمكىندىگى شەكتەۋلى جالعىزباستى جانە (نەمەسە) جالعىز تۇراتىن كipici از ادامدارعا:
وسى كودەكستىڭ 207-بابىنىڭ 1-تارماعىندا بەلگىلەنگەن زەينەتكەرلىك جاسقا تولۋىنا؛ ءبىرىنشى نەمەسە ەكىنشى توپتاعى مۇگەدەكتەرگە؛ eكى ايدان استام ەڭبەككە ۋاكىتشا كابىلەتسىزدىگى مەرزىمى بەلگىلەنۋى مۇمكىن اۋرۋىنىڭ بولۋىنا بايلانىستى؛
2) قۇرامىندا ەڭبەككە كابىلەتتى ادامدارى جوق نەمەسە ەڭبەككە كابىلەتتى جالعىز مۇشەسى، ءۇش جاسكا دەيىنگى بالاعا، مۇگەدەكتىگى بار بالاعا، ءبىرىنشى نەمەسە ەكىنشى توپتاعى مۇگەدەكتىگى بار ادامعا، بوگدەنىڭ كۇتىمىنە جانە كومەگىنە مۇقتاج قارتقا، كۇتىمدى جۇزەگە اسىراتىن كipici از وتباسىلارعا كورسەتىلەدى.
«شارتتى اقشالاي كومەك جالعىز باستى جانە (نەمەسە) جالعىز تۇراتىن از قامتىلعان ەڭبەككە قابىلەتتى بار ادامدارعا، سونداي-اق ءوزىنىڭ قۇرامىندا ەڭبەككە قابىلەتتى (ەڭبەككە قابىلەتتى) ادامى (مۇشەلەرى) بار از قامتىلعان وتباسىلارعا ونىڭ (ولاردىڭ) شارالارعا قاتىسۋى شارتىمەن جۇمىسپەن قامتۋعا جانە (نەمەسە) الەۋمەتتىك بەيىمدەۋ قاجەت بولعان كەزدە كورسەتىلەدى.
قۇرامىندا ەڭبەككە قابىلەتتى تۇلعالارى بار وتباسىلار ءۇشىن ۋچاسكەلىك كوميسسيانىڭ قورىتىندىسىن العاننان كەيىن جەكە جوسپار جاسالادى، وندا وتباسىنىڭ (ادامنىڭ) جۇمىسپەن قامتىلۋىن جانە الەۋمەتتىك بەيىمدەلۋىن قامتاماسىز ەتۋ جونىندەگى ءىس-شارالاردىڭ ءتىزىمى كورسەتىلەدى جانە ءوتىنىش بەرۋشىمەن شارتتى اقشالاي جۇگىنۋ كەزەڭىنە الەۋمەتتىك كەلىسىمشارت جاسالادى. شارتتى اقشالاي كومەك الۋشىلارمەن الەۋمەتتىك كەلىسىمشارت از قامتىلعان ادام (وتباسى) الەۋمەتتىك كەلىسىمشارتتىڭ تالاپتارىن جانە جەكە جوسپاردىڭ ءىس-شارالارىن، ونىڭ ىشىندە جۇمىسپەن قامتۋعا جانە جۇمىسقا ورنالاسۋعا جاردەمدەسۋ شارالارىنا قاتىسۋ جونىندەگى ءىس-شارالاردى تولىق كولەمدە ورىنداماعان كەزدە بۇزىلادى»، - دەپ اتاپ ءوتتى سپيكەر.
ادامعا (وتباسىنا) اتاۋلى الەۋمەتتىك كومەكتىڭ مولشەرىن اتاۋلى الەۋمەتتىك كومەكتى تاعايىنداۋ جونىندەگى ۋاكىلەتتى ورگان جان باسىنا شاققانداعى ورتاشا تابىس پەن كەدەيلىك شەگىنىڭ اراسىنداعى ايىرما تۇرىندە وتباسىنىڭ ءاربىر ادامىنا ەسەپتەي وتىرىپ تاعايىندالادى.
بالالارعا ارنالعان قوسىمشا تولەم الەۋمەتتىك كودەكسكە سايكەس اتاۋلى الەۋمەتتىك كومەكتى قاراۋ كەزەڭىندە 1،5 ايلىق ەسەپتىك كورسەتكىش مولشەرىندە جۇرگىزىلەدى، ءبىر جاستان التى جاسقا دەيىنگى ءاربىر بالاعا رەسپۋبليكالىق بيۋدجەت تۋرالى زاڭنامامەن ءتيىستى قارجى جىلىنا بەلگىلەنگەن ەسەپتىك كورسەتكىشپەن تولەنەدى.
بارلىق قىزىقتىراتىن سۇراقتار بويىنشا اۋداندىق بولىمشەلەرگە جانە دوستىق داڭعىلى، 85، مەكەن-جايى بويىنشا «الەۋمەتتىك قىزمەتتەر ۇيىنە» جۇگىنۋگە بولادى. سونىمەن قاتار، 310-47-82 ءبىرىڭعاي ءنومىرى بويىنشا Call-ورتالىق جۇمىس ىستەيدى.