وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ اتاۋلى الەۋمەتتىك كومەك (ااك) كورسەتۋ ماسەلەلەرىنە توقتالىپ، بۇل كومەكتىڭ نەگىزگى ماقساتى – ازاماتتارعا ۋاقىتشا قيىن جاعدايدان شىعۋعا جاردەمدەسۋ ەكەنىن اتاپ ءوتتى.
«ااك – ءومىر بويى بەرىلەتىن جاردەماقى ەمەس. ول وتباسىعا قيىن ساتتە تىرەك بولىپ، قايتا اياققا تۇرۋعا مۇمكىندىك بەرەتىن قولداۋ ءتۇرى. ءبىزدىڭ باستى مىندەت – ادامدارعا تەك ماتەريالدىق كومەك ەمەس، جۇمىسقا ورنالاسۋعا جانە ءوزىن-وزى دامىتۋعا جول اشۋ»، - دەدى باۋىرجان جاۋباسوۆ.
ونىڭ ايتۋىنشا، ەڭبەككە قابىلەتتى وتباسى مۇشەلەرى جۇمىسپەن قامتۋ باعدارلامالارىنا قاتىسقان جاعدايدا عانا كومەك الۋ مۇمكىندىگىنە يە بولادى.
ااك ەكى باعىتتا كورسەتىلەدى:
- شارتسىز كومەك – ەڭبەك ەتۋگە مۇمكىندىگى جوق ازاماتتارعا (I–II توپتاعى مۇگەدەكتەر، قارتتارعا كۇتىم جاسايتىندار جانە ت.ب.) بەرىلەدى.
- شارتتى كومەك – ەڭبەككە قابىلەتتى وتباسى مۇشەلەرى جۇمىسقا ورنالاسۋ، وقىتۋ، قوعامدىق جۇمىستار سياقتى بەلسەندى شارالارعا قاتىسقاندا كورسەتىلەدى.
- 2025 جىلعى 1 قازان جاعدايى بويىنشا الماتىدا 1 819 وتباسى نەمەسە 9 063 ادام اتاۋلى الەۋمەتتىك كومەك العان.
«مۇنداي شارالار ادامدارعا تەك قيىندىقتى ەڭسەرۋگە ەمەس، ءوز كۇشىنە دەگەن سەنىمدىلىكتى، ەڭبەككە دەگەن ىنتانى ارتتىرۋعا كومەكتەسەدى»، - دەپ قورىتىندىلادى سپيكەر.