الماتىدا اتاقتى جاتتىقتىرۋشىنىڭ مەرەيتويىنا ارنالعان سۋ دوبىنان ءىرى تۋرنير وتەدى

1 قازاندا الماتىدا اتاقتى جاتتىقتىرۋشى ليەۆ سمولەيەۆتىڭ 80 جىلدىق مەرەيتويىنا ارنالعان سۋ دوبىنان ءىرى تۋرنير باستالادى.

ليەۆ سمولەيەۆ - قازاق كسر ەڭبەك سىڭىرگەن جاتتىقتىرۋشىسى (1974)، كسرو ەڭبەك سىڭىرگەن جاتتىقتىرۋشىسى (1984 ج.). سۋ دوبى بويىنشا بالالار جاتتىقتىرۋشىسى بولعان جىلدار ىشىندە ليەۆ نيكولايەۆيچ 1000-نان استام قازاقستاندىق سۋ دوبىنان  مامانداردى تاربيەلەدى، ولاردىڭ كوپشىلىگى كەيىننەن كسرو، ازيا چەمپيوناتتارىنىڭ، ازيا ويىندارىنىڭ جۇلدەگەرلەرى مەن چەمپيوندارى، وليمپيادا ويىندارىنىڭ چەمپيوندارى مەن قاتىسۋشىلارى اتاندى.

"مەن ءبارىمىز جينالىپ، كەزدەسەتىنىمىزگە قۋانىشتىمىن. مەن باقىتتى  ەكەنىمدى ايتقىم كەلەدى، مەنىڭ كەرەمەت شاكىرتتەرىم بار، ءبارى دە تاماشا جىگىتتەر. مەن مۇنى ءارقاشان ايتىپ جۇرەمىن. ءوزىم كىشىپەيىل اداممىن. ءبىراق، مەنىڭ قۇرمەتىمە وسىنداي تۋرنير وتكىزۋ تۋرالى شەشىم قابىلداعاندارىڭىزعا كەلگەندەردىڭ بارلىعىنا راحمەت ايتقىم كەلەدى. مەن ءوزىم سۋ دوبىنا كەشىرەك، 16 جاسىمدا، كەلدىم.  

فۋتبول، باسكەتبول وينادىم، شاڭعى دا تەپتىم، ءبارى دە قولىمنان كەلدى. الايدا، مەن سۋعا سەكىرگەندە، مۇلدەم سۋعا جوق  ەكەنىمە تاڭ قالدىم. ەشتەڭە دە بىلمەدىم. سوندىقتان بۇل سپورت ءتۇرى قاتتى قىزىقتىرىپ ەلتىپ اكەتتى. ناتيجەسىندە، وعان دەگەن سۇيىسپەنشىلىگىم ارتقانى سونشالىق، 64 جىل وسى سالادا بولدىم، ياعني ءومىر بويى وسىندا ءجۇرمىن. 

مەن وزىمدە بولماعان زاتتارعا، ۋاقىتىندا قولىم جەتپەگەن نارسەلەرگە بالالاردى جەتكىزۋگە، جەتكىنشەكتەرگە بەرۋگە تىرىستىم. قولىمنان كەلگەننىڭ ءبارىن جاسادىم دەپ ويلايمىن"، - دەدى سمولەيەۆ.

جارىسقا 12 جاسوسپىرىمدەر كومانداسى جانە ءتورت قۇراما ارداگەرلەرى قاتىسادى: "دينامو الما-اتا"، "مەدەو الما-اتا"، "استانا ماستەرس"، "استانا ماستەرس 2".

تۋرنير ورتالىق ءجۇزۋ باسسەينىندە (الماتى) وتەدى.

سپورتتى دامىتۋداعى ەڭبەگى ءۇشىن ليەۆ سمولەيەۆ قازاق كسر جوعارعى كەڭەسىنىڭ گراموتاسىمەن (1983)، "حالىقتىق ءبىلىم بەرۋ ۇزدىگى" بەلگىسىمەن (1994)، ق ر تۇڭعىش پرەزيدەنتى نۇرسۇلتان نازاربايەۆتىڭ العىس حاتىمەن (2001)، "ەڭبەك ارداگەرى" مەدالىمەن (2002)، ق ر ۇلتتىق وليمپيادا كوميتەتىنىڭ وردەنىمەن (2012)، "قۇرمەت" وردەنىمەن ماراپاتتالعان (2019).

قازاقستان رەسپۋبليكاسى سۋ سپورتى فەدەراسياسىنىڭ سەرىكتەستەرى "تۋريزم جانە سپورت يندۋسترياسىن قولداۋ قورى" كورپوراتيۆتىك قورى، "سامۇرىق-قازىنا"اكسيونەرلىك قوعامى بولىپ تابىلادى.