بۇل تۋرالى ورتالىق كوممۋنيكاسيالار قىزمەتىنىڭ الاڭىندا وتكەن باسپا ءسوز ءماسليحاتىندا ەڭبەك جانە حالىقتى الەۋمەتتىك قورعاۋ ۆيسە-مينيسترى ولجاس وردابايەۆ مالىمدەدى، دەپ حابارلايدى Almaty-akshamy.kz Baq.kz-كە سىلتەمە جاساپ.
«رەسەيدەن كەلگەن ازاماتتارعا جەكەلەي جاعداي جاسالمايدى. ول بەلگىلى جاعداي. قازىرگى كەزدە رەسەيدەن كەلىپ، قازاقستاندا جۇرگەن 353 مىڭ ادام بار. ونىڭ 7 مىڭى عانا قازاقستاندا جۇمىس ىستەۋگە كەلگەن. سول ءۇشىن ولاردىڭ (رەسەيلىكتەردىڭ – رەد.) كەلۋى ەڭبەك نارىعىنا اسەر ەتپەيدى. اتاپ ايتقاندا، رەسەيلىكتەرگە ەشقانداي جەكە جاعداي جاسالمايدى»، - دەپ اتاپ ءوتتى ۆيسە-مينيستر ولجاس وردابايەۆ.
بۇعان دەيىن پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترى سەرىك جۇمانعارين ەلگە اعىلىپ كەلىپ جاتقان رەسەيلىكتەر سانانىڭ كوپتىگى ازىق-تۇلىك قاۋىپسىزدىگىنە ءقاۋىپ توندىرمەيتىنىن ايتقان بولاتىن. بۇل ماسەلە بويىنشا مەملەكەتتىك جانە قۇقىق قورعاۋ ورگاندارىمەن جينالىس وتكىزگەنىن العا تارتقان مينيستر وڭىرلەردە ۇيلەسپەۋشىلىكتەر بولۋى ىقتيمال دەگەنىمەن، ءبىراق ءقازىر بۇل ماسەلەلەردىڭ پىسىقتالىپ جاتقانىن جەتكىزدى.