ول كينو مەن تەاترداعى قىزمەتىنەن بولەك، دۋبلياج سالاسىندا دا وشپەس ءىز قالدىردى
"قازاق ونەرىنىڭ تاريحىندا اتى «اتاش اعا» دەپ جاتتالعان بەلگىلى اكتەر اتاگەلدى ىسمايلوۆ تۇرعان ۇيگە بۇگىن مەموريالدى تاقتا ورناتىلدى"، - دەيدى كوزكورگەندەر.
«ول كىسى وتە سابىرلى. ەشقاشان داۋىس كوتەرگەنىن ەستىمەپپىن. 10 جىلداي بىرگە ىستەدىك، ءبىر ساحنادا ارىپتەس بولدىق. سوندا ءبىر، ءبىر نارسەگە قاتتى رەنجىپ، اشۋلانىپ، داۋىس كوتەرگەنىن ەستىگەن ەمەسپىن. قاي ۋاقىتتا دا وسى سابىرلى مىنەزىنەن تانباعان»، – دەدى اكتەر، ق ر ەڭبەك سىڭىرگەن قايراتكەرى باقىتجان الپەيىسوۆ.
«ادامدىعىمەن اسقاق بولعان ۇستاز ماماندىقتا دا تىم بيىك ەدى»، - دەيدى ىسمايلوۆتىڭ شاكىرتتەرى. جۇكتەلگەن رولگە مۇقيات كىرىسىپ، ءار سوزىنە ءمان بەرەتىن ءارتىستىڭ ويىنى قازاق تەاتر ونەرىنىڭ جارقىن ۇلگىسىندەي جارقىراپ تۇر. ال ونىڭ دۋبلياجداعى ساۋاتى ءوز الدىنا وزگەشە تاريح.
«ول كىسى ءوزى ۇيرەتۋدەن دە جالىقپايتىن. بىلاي جەتەكتەپ، ساحنانىڭ سىرتىنا الىپ شىعىپ، «بالام، سەن مىنانى بىلاي ىستە» دەپ ۇيرەتەتىن. سول كىسىلەردىڭ تاربيەسىن كورىپ وستىك. ءقازىر ءوزىمىز دە سول كىسىلەردىڭ جاسىنا كەلدىك. ول كىسىنى ەشقاشان ۇمىتپايمىز، ەسىمىزدە ساقتايمىز»، – دەدى اكتەر، ق ر ەڭبەك سىڭىرگەن قايراتكەرى قادىرعازى قۋاندىقوۆ.