الماتىدا مۇمكىندىگى شەكتەۋلى بالا تاربيەلەپ وتىرعان انالار ءوز كاسىبىن اشا الادى

باستاما «ايەلدەردەن ايەلدەرگە» اتتى الەۋمەتتىك جوبا اياسىندا ىسكە اسپاق

الماتىدا مۇمكىندىگى شەكتەۋلى بالا تاربيەلەپ وتىرعان انالار ءوز كاسىبىن اشۋعا مۇمكىندىك الدى، دەپ حابارلايدى Almaty-akshamy.kz Almaty.tv-گە سىلتەمە جاساپ.

باستاما «ايەلدەردەن ايەلدەرگە» اتتى الەۋمەتتىك جوبا اياسىندا قولعا الىندى. ەندى 22 كوپ بالالى انا ءتۇرلى مەنتورلار مەن كوۋچتاردىڭ كومەگىمەن جەكە كاسىبىن اشىپ، تۇراقتى جۇمىسقا ورنالاسا الادى. جوبا ولاردىڭ ءومىرىن تۇبەگەيلى وزگەرتۋدى كوزدەيدى. باستاماعا ەلىمىزدەگى قوعامدىق قورلاردىڭ ءبىرى ۇيىتقى بولعان.

«قازىرگى كەزدە يدەيا بار. ءقازىر ەندى سونى جۇزەگە اسىرۋ ءۇشىن كوۋچپەن جوسپار قۇرىپ جاتىرمىز. جانە مەنتورىمىز بار. 20 جىلداي ەڭبەك ءوتىلى بار. مەنىڭ ويىمشا ءبىز انالارعا ءارتۇرلى كومەك كورسەتەتە الامىز»، – دەدى كوپ حبالالى انا نازگۇل يمادىلدايەۆا.

الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى، ۇكىمەت تە بارىنشا قولداۋ جاسايتىنىن ايتتى. الىپ شاھاردا وسى جىلدان باستاپ ءاۋتيزمى بار بالالارعا ينۆاتاكسي جوباسى اشىلىپ، وعان 10 كولىك ءبولىندى. سونداي-اق مۇگەدەكتىكتى ەرتە كەزەڭدە انىقتاۋ ماقساتىندا 300-گە جۋىق مەديسينا قىزمەتكەر وقىتىلدى. ولار قالاداعى ەمحانالار مەن پەرزەنتحانالارعا جىبەرىلەدى.

«كاسىپتى اشۋ بويىنشا جوبالار تۋرالى قىسقاشا مالىمەت ايتايىن. ولارعا باسقارما تاراپىنان 400 مرپ گرانتتار بەرىلەدى. ول جاڭا ستارت-اپ بيزنەس اشۋعا جاقسى مۇمكىندىك بولماق. الەۋمەتتىك وسال توپتارعا بەرىلەدى. ءوتىنىش دوستىق، 85 مەكەنجايىنداعى جۇمىسپەن قامتۋ ورتالىعىنادا  قابىلدانادى»، – دەدى جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى قاليبەك اقىلبەكوۆ.