وقيعا اقجال كەن ورنىندا بولدى.
قاراعاندى وبلىسىنداعى چەليابينسك مىرىش زاۋىتىنىڭ ەنشىلەس كومپانياسى «Nova سينك» ج ش س جۇمىسشىسى كەن ءۇيىندىسىنىڭ استىندا قالىپ، قايتىس بولدى دەپ حابارلايدى Almaty-akshamy.kz turkystan.kz-كە سىلتەمە جاساپ.
قاراعاندى وبلىسىنىڭ ەڭبەك ينسپەكسياسى باسقارماسىنىڭ اقپاراتىنشا، وقيعا اقجال كەن ورنىندا بولدى. وندا قورعاسىن-مىرىش وندىرىلەدى. كەندى قوپسىتۋ جۇمىستارىن جۇرگىزۋ بارىسىندا جۇمىسشى بۋنكەرگە قۇلاپ كەتكەن، ءۇستىن كەن اعىنى باسىپ قالعان. ناتيجەسىندە جۇمىسشى تىنىس الۋ جولدارىنىڭ اسفيكسياسىنان قايتىس بولدى.
«25 قاڭتاردا كەندى يتەرمەلەۋ بويىنشا جۇمىس جۇرگىزۋ بارىسىندا قابىلداۋ بۋنكەرىندە 1999 جىلى تۋعان جۇمىسكەر قايتىس بولدى»، – دەپ حابارلادى ءوندىرىس ورنىنان.
بۇل فاكت بويىنشا ارنايى كوميسسيا قۇرىلدى، جازاتايىم وقيعانىڭ ءمان-جايى مەن سەبەبى انىقتالىپ جاتىر. مارقۇمنىڭ تۋعان-تۋىستارىنا كاسىپورىن باسشىلىعى جەرلەۋ راسىمىنە كومەك كورسەتەتىنىن ايتتى.