ەتنيكالىق قازاقتار ءۇشىن كارتانى بەرۋ ءتارتىبى بەكىتىلدى.
الماتىدا وتكەن حالىقارالىق سەمينار-فورۋمدا «اتا جولى» كارتاسى تانىستىرىلدى، دەپ حابارلايدى Almaty-akshamy.kz
ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى اسقاربەك ەرتايەۆ قازاق دياسپوراسىمەن جانە شەتەلدەگى قانداستارمەن ءوزارا ءىس-قيمىل جونىندەگى حالىقارالىق سەمينار-فورۋمعا قاتىسىپ، باسقا ەلدەردىڭ ازاماتتارى سانالاتىن ەتنيكالىق قازاقتار ءۇشىن «اتا جولى» كارتاسىن تانىستىردى.
الماتى قالاسىندا وتكەن سەمينارعا «وتانداستار قورى» كەاق، «دۇنيەجۇزىلىك قازاقتار قاۋىمداستىعى» رقب، «حالىقارالىق باعدارلامالار ورتالىعى» اق وكىلدەرى، ارمەنيا، ءازىربايجان، گرۋزيا، قىرعىزستان جانە رەسەي فەدەراسياسىنىڭ ساراپشىلارى جانە باسقالار قاتىستى.
اسقاربەك ەرتايەۆ تانىستىرعان «اتا جولى» كارتاسى – تاريحي وتانىمەن بايلانىستى نىعايتۋعا، ۇلتتىق داستۇرلەردى ساقتاۋعا، سونداي-اق ەلگە كاسىبي ماماندار مەن تابىستى بيزنەسمەندەردى تارتۋعا باعىتتالعان ىنتىماقتاستىق پەن ءوزارا ءىس-قيمىلدىڭ جاڭا قۇرالى.
كوشى-قون ساياساتى تۇجىرىمداماسىن ىسكە اسىرۋ اياسىندا ءبىز شەتەلدە تابىستى بيزنەس-كەيستەرى بار ەتنيكالىق قازاقتار ءۇشىن «اتا جولى» كارتاسىن بەرۋ ءتارتىبىن بەكىتتىك. بۇگىندە «اتا جولى» كارتاسىن بەرەتىن 50 ەتنيكالىق قازاقتىڭ الدىن الا ءتىزىمى قالىپتاستىرىلدى، – دەدى كوميتەت ءتوراعاسى.
پلەنارلىق سەسسيالار مەن ينتەراكتيۆتى پىكىرتالاستار بارىسىندا قازاقستاننىڭ الەۋمەتتىك-ەكونوميكالىق جانە مادەني دامۋىنداعى دياسپورانىڭ الەۋەتتى ۇلەسى مەن رولىنە كوزقاراس ۇسىنىلدى. سونداي-اق قازاق دياسپوراسىمەن جانە شەتەلدەگى قانداستارمەن كوممۋنيكاسيالىق ستراتەگيانى ودان ءارى ىلگەرىلەتۋ جانە پىسىقتاۋ جونىندەگى قادامدار ازىرلەندى.