2025 جىلدىڭ 28 اقپان كۇنى الماتى قالاسى الاتاۋ اۋدانىنداعى وقۋشىلاردىڭ يننوۆاسيالىق شىعارماشىلىق ورتالىعىندا ۇلى اقىن اباي قۇنانبايەۆتىڭ 180 جىلدىعىنا وراي ماڭىزدى ءىس-شارا وتكىزىلدى. قازاقستان رەسپۋبليكاسى وقۋ-اعارتۋ مينيسترلىگىنىڭ قولداۋىمەن، رەسپۋبليكالىق عىلىمي-پەداگوگيكالىق كىتاپحانا مەن «وقۋعا قۇشتار مەكتەپ» جوباسىنىڭ اياسىندا ۇيىمداستىرىلعان بۇل ءىس-شارا «مەنىڭ سۇيىكتى كىتابىم – اباي شىعارمالارى» تاقىرىبىندا رەسپۋبليكالىق چەللەندج بولىپ ءوتتى، دەپ حابارلايدى aqshamnews.kz
بۇل چەللەندجدىڭ باستى ماقساتى – قازاقستاننىڭ بارلىق مەكتەپ وقۋشىلارىن اباي قۇنانبايەۆتىڭ شىعارمالارىن وقۋعا ىنتالاندىرۋ، وقۋ بەلسەندىلىكتەرىن ارتتىرۋ، سونداي-اق كىتاپ وقۋعا دەگەن قىزىعۋشىلىقتى وياتۋ جانە تاربيەلەۋ بولىپ تابىلادى. شارانىڭ اياسىندا وقۋشىلار اقىننىڭ شىعارماشىلىعىمەن تانىسىپ، وزدەرى وقىعان ەڭ سۇيىكتى شىعارمالارىن ورتاعا سالدى.
چەللەندجدىڭ نەگىزگى مىندەتتەرى:
- وقۋشىلاردىڭ وقۋعا دەگەن قۇشتارلىعىن ارتتىرۋ؛
- وقۋشىلاردى اباي قۇنانبايەۆتىڭ شىعارمالارىن وقۋعا تارتۋ؛
- كىتاپ وقۋ مادەنيەتىن قالىپتاستىرۋ؛
- جاس ۇرپاقتى اباي قۇنانبايەۆتىڭ شىعارمالارى ارقىلى رۋحاني بايىتۋ.
ءىس-شارانى ۇيىمداستىرۋعا قازاقستان رەسپۋبليكاسىنىڭ وقۋ-اعارتۋ مينيسترلىگى، رەسپۋبليكالىق عىلىمي-پەداگوگيكالىق كىتاپحانا، الماتى قالاسىنىڭ ءبىلىم باسقارماسى، قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعى، سونداي-اق الماتى قالاسى الاتاۋ اۋدانى وقۋشىلاردىڭ يننوۆاسيالىق شىعارماشىلىق ورتالىعى اتسالىستى. چەللەندجگە ەلىمىزدىڭ بارلىق ايماقتارىنان 17 وبلىس پەن 3 رەسپۋبليكالىق ماڭىزى بار قالالاردان وقۋشىلار قاتىستى. ولار ZOOM پلاتفورماسى ارقىلى ءبىر نۇكتەدەن قوسىلىپ، اباي قۇنانبايەۆتىڭ شىعارمالارىن وقىپ، ءوز پىكىرلەرىن ءبىلدىردى.
چەللەندج 28 اقپان كۇنى ساعات 11:00-دە ZOOM پلاتفورماسى ارقىلى وتكىزىلدى. ءار ايماق اباي قۇنانبايەۆتىڭ بەلگىلى شىعارمالارىن ۇسىندى. وقۋشىلار اقىننىڭ تەرەڭ ويلارى مەن كوركەم تۋىندىلارىن تالقىلاپ، وزدەرىن ادەبيەتكە دەگەن قىزىعۋشىلىقتارىن ارتتىردى. شارا بارىسىندا ابايدىڭ شىعارمالارى عانا ەمەس، جالپى ادەبيەت پەن كىتاپ وقۋ مادەنيەتى دە ناسيحاتتالدى.
چەللەندجدىڭ ناتيجەسىندە وقۋشىلاردىڭ كىتاپ وقۋعا دەگەن ىنتاسى ارتتى، اباي قۇنانبايەۆتىڭ شىعارمالارى ارقىلى ولاردىڭ رۋحاني الەمى كەڭەيە ءتۇستى. سونىمەن قاتار، بۇل شارا وقۋشىلاردىڭ كىتاپ وقۋ مادەنيەتىن قالىپتاستىرۋعا، ولاردىڭ ادەبيەتكە دەگەن سۇيىسپەنشىلىگىن نىعايتۋعا ىقپال ەتتى.
بۇل چەللەندج اباي قۇنانبايەۆتىڭ مۇراسىن ۇلىقتاپ، بالالاردىڭ ادەبيەتكە دەگەن قىزىعۋشىلىعىن ارتتىرۋعا زور ۇلەس قوستى. وقۋشىلار اراسىندا كىتاپ وقۋعا دەگەن قۇشتارلىق پەن ۇلتتىق ادەبيەتكە دەگەن قۇرمەت قالىپتاسىپ، بولاشاقتا كىتاپ وقۋ مادەنيەتىن دامىتۋعا ىقپال ەتەتىندىگى ءسوزسىز.