وسى ماقساتتا ق ر قارۋلى كۇشتەرىنىڭ باس اسكەري-مەديسينالىق باسقارماسى بەيىندى جوعارى وقۋ ورنىن قۇرۋ جوباسىن دايىندادى.
قازىرگى ۋاقىتتا جوعارى مەديسينالىق ءبىلىم بەرۋ جانە اسكەري ينتەرناتۋرا باعدارلامالارى بويىنشا اسكەري دارىگەرلەردى اقتوبە قالاسىنداعى اۋە قورعانىسى كۇشتەرىنىڭ اسكەري ينستيتۋتى بازاسىندا مارات وسپانوۆ اتىنداعى باتىس قازاقستان مەديسينا ۋنيۆەرسيتەتىمەن بىرلەسىپ دايىندايدى. ال جوعارى وقۋ ورنىنان كەيىنگى مەديسينالىق ءبىلىم بەرۋ باعدارلاماسى بويىنشا اسكەري-مەديسينالىق كادرلاردى دايىنداۋ «استانا» مەديسينالىق ۋنيۆەرسيتەتىمەن اكادەميالىق ۇتقىرلىق شەڭبەرىندە ق ر ۇلتتىق قورعانىس ۋنيۆەرسيتەتىنىڭ اسكەري مەديسينا كافەدراسىنىڭ بازاسىندا جۇزەگە اسىرىلادى، دەپ حابارلايدى aqshamnews.kz.
حالىقارالىق ىنتىماقتاستىق جەلىسى بويىنشا رەسەيدە، وزبەكستاندا، ارمەنيادا، قىتايدا جانە تۇركيادا جوعارى جانە جوعارى وقۋ ورنىنان كەيىنگى مەديسينالىق ءبىلىم بەرۋ باعدارلامالارى بويىنشا ماماندار دايارلانادى. شەتەلدە اسكەري مەديسينالىق ءبىلىم الۋ تىلدىك كەدەرگىلەردىڭ، ۇلتتىق جانە مادەني ايىرماشىلىقتاردىڭ بولۋىمەن، سونداي-اق ديپلومدى تانۋ راسىمدەرىنىڭ ەرەكشەلىكتەرىمەن بايلانىستى ەكەنىن اتاپ وتكەن ءجون.
جوبانى ىسكە اسىرۋ قولدا بار مەكەمەلەردى قايتا ۇيىمداستىرۋدى، ۇيىمداستىرۋ شارالارىن جۇرگىزۋدى، قاجەتتى ينفراقۇرىلىمدى، اكادەميانىڭ وقۋ-ماتەريالدىق بازاسىن قۇرۋدى، ءبىلىم بەرۋ باعدارلامالارىن ازىرلەۋدى جانە ليسەنزيا الۋدى تالاپ ەتەدى.
جاڭا ءبىلىم بەرۋ مەكەمەسى الماتى قالاسىنداعى قورعانىس مينيسترلىگىنىڭ اسكەري مەديسينا ورتالىعى بازاسىندا قۇرىلماق.
ءىس-شارالار قورعانىس ۆەدومستۆوسىنىڭ مۇددەلى قۇرىلىمدىق بولىمشەلەرىمەن، دەنساۋلىق ساقتاۋ، عىلىم جانە جوعارى ءبىلىم مينيسترلىكتەرىمەن، «قازاقستان-رەسەي مەديسينالىق ۋنيۆەرسيتەتى» مەملەكەتتىك ەمەس ءبىلىم بەرۋ مەكەمەسى جانە «اسكەري مەديسينا ارداگەرلەرى» قوعامدىق بىرلەستىگىمەن بىرلەسىپ وتكىزىلەدى.