ول سوتتا ءوز كىناسىن تولىق مويىندامايتىنىن ايتتى.
مەدەۋ اۋداندىق №2 سوتى الماتى قالاسى سپورت باسقارماسىنىڭ ەكس-باسشىسى رۇستەم بايسەيىتوۆ پەن ونىڭ قاراماعىنداعىلارعا ۇكىم شىعاردى، دەپ حابارلايدى Almaty-akshamy.kz
ولارعا 367 ميلليون تەڭگەنى جىمقىردى دەگەن ايىپ تاعىلدى.
سوت ۇكىمىمەن رۇستەم بايسەيىتوۆ كىنالى دەپ تانىلىپ، ءومىر بويى مەملەكەتتىك قىزمەتتە لاۋازىمدى قىزمەت اتقارۋ قۇقىعىنان جانە 4 جىل 6 ايعا باس بوستاندىعىنان ايىرۋ جازاسىنا كەسىلدى.
الماتى قالاسى سپورت باسقارماسىنىڭ قارجى-ەكونوميكالىق ءبولىمىنىڭ بۇرىنعى باسشىسى ايگەرىم بايعونوۆا 3 جىل 6 ايعا؛
"قازاقستان گولف فەدەراسياسى" رقب-نىڭ سپورت مەنەدجەرى ءاليا سماقوۆا 3 جىلعا؛
Qazaq Sport ج ش س ديرەكتورى ەرجان مۇحامانوۆ 7،5 جىلعا باس بوستاندىعىنان ايىرىلدى.
وسى جىلدىڭ قاڭتار ايىندا انتيكور الماتى قالاسى سپورت باسقارماسىنىڭ لاۋازىمدى تۇلعالارىنا قاتىستى 367 ميلليون تەڭگە جىمقىرۋ فاكتىسى بويىنشا سوتقا دەيىنگى تەرگەۋدىڭ اياقتالعانىن حابارلادى.
باستى كۇدىكتىلەردىڭ ءبىرى – الماتى قالالىق سپورت باسقارماسىنىڭ ەكس-باسشىسى رۇستەم بايسەيىتوۆ. ول پاندەميا كەزەڭىندە (2020-2021 جج.) قاراماعىنداعى قىزمەتكەرلەرىمەن كوروناۆيرۋس ينفەكسياسىنا بايلانىستى باقىلاۋ مەن شەكتەۋلەردىڭ باياۋلاعانىن پايدالانىپ، ج ش س ديرەكتورىنىڭ تۋىستارىنىڭ بانكتىك شوتتارىنا اقشا اۋدارعانى انىقتالدى.
الايدا سپورت باسقارماسىنىڭ بۇرىنعى باسشىسى سوتتا ءوز كىناسىن تولىق مويىندامايتىنىن ايتتى.