الماتى وبلىسىندا كاسىپكەردى قورقىتىپ-ۇركىتىپ، اقشا بوپسالاعاندار ۇستالدى

ولار كۇش قولدانۋ ارقىلى تالعار قالاسىنىڭ كاسىپكەرىنەن اقشا مەن قىمبات كولىكتى تالاپ ەتكەن.

الماتى وبلىسىنىڭ پوليسەيلەرى ادام بوپسالاۋشىلار توبىن ۇستادى، دەپ حابارلايدى Almaty-akshamy.kz.

9 قىركۇيەكتە الماتى وبلىسى پد ۇققكب-عا بەلگىسىز تۇلعالارعا قاتىستى جەدەل اقپارات كەلىپ ءتۇستى. ولار كۇش قولدانۋ ارقىلى تالعار قالاسىنىڭ كاسىپكەرىنەن اقشا مەن قىمبات كولىكتى تالاپ ەتكەن. قىلمىستىق ءىس كاسىپكەردىڭ ارىزى نەگىزىندە تالعار اۋدانىنىڭ پب-دا ق ر قك-نىڭ 194-بابى 2-بولىگىنىڭ 2-تارماعى (الدىن الا ءسوز بايلاسۋ بويىنشا ادامدار توبى جاساعان بوپسالاۋ) بويىنشا تىركەلدى.

"جەدەل ىزدەستىرۋ ءىس-شارالارىن جۇرگىزۋ بارىسىندا ارنايى بولىمشەنىڭ جاۋىنگەرلەرىنىڭ قاتىسۋىمەن الماتى وبلىسى پد ۇققكب قىزمەتكەرلەرى اقشالاي قاراجات الۋ كەزىندە الماتى قالاسى مەن الماتى وبلىسىنىڭ تۇرعىندارى – 20-23 جاس ارالىعىنداعى بەس ازاماتتى ۇستادى. كىنالى تۇلعالار ۇستالىپ، تالعار اۋدانى پب ۋۇو-عا قاماۋعا الىندى"، - دەلىنگەن حابارلامادا.

قازىرگى ۋاقىتتا كۇدىكتىلەردىڭ باسقا دا وسىعان ۇقساس قىلمىستارعا قاتىستىلىعى تەكسەرىلىپ جاتىر.

قىلمىستىق ءىس بويىنشا تەرگەۋ بارىسى وبلىستىق دەپارتامەنتتىڭ باسشىلىعىمەن باقىلاۋعا الىندى.