بۇل تۋرالى قالا اكىمى ەربولات دوسايەۆ ورتالىق كوممۋنيكاسيالار قىزمەتىندە وتكەن بريفينگتە جەلتوكسان كوشەسى مەن رايىمبەك داڭعىلىندا BRT جوباسىن ىسكە اسىرۋ مەرزىمدەرىنە قاتىستى قويىلعان سۇراققا جاۋاپ بەرە وتىرىپ مالىمدەدى.
«قازىرگى ۋاقىتتا جەلتوكسان كوشەسىندە ۇزىندىعى 4،6 كم جانە رايىمبەك داڭعىلىندا 17،2 كم بولاتىن ەكى BRT جەلىسىن سالۋ جوسپارلانۋدا. پروسەستەردى وڭتايلاندىرۋ ءۇشىن رايىمبەك داڭعىلىنداعى جوبا ەكى كەزەڭگە ءبولىندى. جۇمىستاردى ءبىرىنشى كەزەڭ بويىنشا كۇزدە باستاۋعا بولار ەدى، ءبىراق ساراپشىلار قاۋىمداستىعىمەن كەڭەسىپ، قالا تۇرعىندارىنا كەلتىرىلەتىن قولايسىزدىقتاردى ازايتۋ ماقساتىندا ەكى كەزەڭدە دە ءبىر ۋاقىتتا جۇمىس باستاۋ تۋرالى شەشىم قابىلداندى. 2025 جىلدىڭ قاڭتارىندا رايىمبەك داڭعىلىنىڭ ەكى بولىگىندەگى جۇمىستارعا مەردىگەر ۇيىمدى تاڭداۋ بويىنشا كونكۋرس جاريالاۋ جوسپارلانۋدا. قۇرىلىس-مونتاج جۇمىستارى كەلەسى جىلدىڭ ناۋرىز ايىندا باستالادى»، – دەدى ەربولات دوسايەۆ.
قالا باسشىسىنىڭ ايتۋىنشا، ءدال وسى ۋاقىتتا جەلتوكسان كوشەسىندەگى BRT جوباسىن ىسكە اسىرۋ دا باستالادى.
«ءبىز جول قوزعالىسى جولاعىن تارىلتىپ، قوعامدىق كولىككە ارنالعان قوسىمشا جولاق ءۇشىن كەڭىستىك بوساتۋدى جوسپارلاپ وتىرمىز. جوبا رايىمبەك داڭعىلىنداعىداي، "فاسادتان فاسادقا دەيىن" جۇمىستاردى، ينجەنەرلىك ينفراقۇرىلىمدى اۋىستىرۋدى كوزدەيدى. 2025 جىلدىڭ سوڭىنا دەيىن ەكى جەلىنى دە اياقتاۋ جوسپارلانىپ وتىر»، – دەدى ول.
وسىلايشا، الماتىدا بار جەلىلەردى قوسا العاندا، BRT جەلىسىنىڭ جالپى ۇزىندىعى 30،5 كم بولادى.