اتالمىش باعدارلاماسى بويىنشا 15 500 بالا قامتىلعان.
الماتىدا ArtSport باعدارلاماسى جىل سوڭىنا دەيىن جالعاسادى. وعان قوسىمشا قارجى ءبولىندى. بۇل تۋرالى قالا اكىمى ەربولات دوسايەۆ الاتاۋ اۋدانى تۇرعىندارىمەن كەزدەسۋ بارىسىندا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«الماتىنىڭ الاتاۋ اۋدانىندا ArtSport باعدارلاماسى بويىنشا 15 500 بالا قامتىلعان. قىزمەت كورسەتۋشىلەردىڭ قارىزىن وتەۋ جانە باعدارلامانى جىل سوڭىنا دەيىن جالعاستىرۋ ءۇشىن اكىمدىك قوسىمشا 7،3 ملرد تەڭگە ءبولدى»،- دەدى ەربولات دوسايەۆ.
بۇعان دەيىن اكىمدىكتىڭ ArtSport باعدارلاماسى بويىنشا ماۋسىم مەن تامىز ايىنىڭ سوڭىنا دەيىن كورسەتىلگەن قىزمەتتەر ءۇشىن جەتكىزۋشىلەرگە 2،2 ملرد تەڭگە كولەمىندە قارىزى بار ەكەنىن جازعان بولاتىنبىز.
قازىرگى تاڭدا الماتىدا artsport.edu.kz سايتىنىڭ دەرەگىنشە، ۇيىرمەگە 83 مىڭ بالا قاتىسادى، ونىڭ 35،5 مىڭى سپورتپەن جانە 47،5 مىڭى شىعارماشىلىق اينالىسادى.
ArtSport باعدارلاماسى بويىنشا بيۋدجەت قاراجاتىن جىمقىرۋ فاكتىسى انىقتالعان ەدى.