الماتىدا ارىپتەسىن ولتىرگەن اسكەري قىزمەتشى سوتتالدى

قايعىلى وقيعا بىلتىر جازدا بولعان.

الماتىداعى المالى اۋداندىق سوتىندا ءوزىنىڭ ارىپتەسىن ابايسىزدا اتىپ ولتىرگەن پوليسەيگە ۇكىم شىقتى، دەپ حابارلايدى Almaty-akshamy.kz

"سوتتالۋشى عيماراتتى كۇزەتۋ بويىنشا اۋىسىمعا كەلگەن. ءارى قاراي سوتتالۋشىنىڭ ارىپتەسى تابەلدىك قارۋدى العاننان كەيىن "ك" ەسىمدى سوتتالۋشىدان بەلبەۋىن بەكىتۋ ءۇشىن قارۋدى ۇستاي تۇرۋىن وتىنگەن. تابەلدىك قارۋدى العان سوتتالۋشى قارۋدى قولدانۋدىڭ بارلىق ەرەجەلەرىن ەلەمەي، قارۋدى تومەن جانە جوعارى تەربەتە باستاعان. سالدارىنان سوتتالۋشىنىڭ ابايسىزدا اتقان وعى مارقۇمنىڭ باسىنا تيگەن"، دەلىنگەن قالالىق سوت حابارلاماسىندا.

سوتتالۋشى ءوز كىناسىن تولىق مويىنداپ، جاساعان ىسىنە وكىنگەن. ال پروكۋرور 1 جىل 6 ايعا باس بوستاندىعىنان ايىرۋ جازاسىن سۇراعان.

"سوت قىلمىستىق كودەكستىڭ 104-بابىنىڭ 1-بولىگىمەن سوتتالۋشىنى 1 جىل 6 اي باس بوستاندىعىنان ايىرۋعا ۇكىم شىعاردى. سوتتالۋشىدان جابىرلەنۋشىنىڭ پايداسىنا 10 ملن تەڭگە مورالدىق زالال جانە شامامەن 3،5 ملن تەڭگە ماتەريالدىق زالال ءوندىرىپ الىندى. ايىپتالۋشىنىڭ كىناسىن مويىنداۋى جانە ونىڭ جاستىعى جازانى جەڭىلدەتكەن. ءىس بويىنشا اۋىرلاتاتىن ءمان-جايلار انىقتالعان جوق. ۇكىم زاڭدى كۇشىنە ءالى ەنگەن جوق جانە اپەللياسيالىق تارتىپتە شاعىمدانۋعا بولادى"، دەلىنگەن الماتى سوتى تاراتقان اقپاراتتا.