12 اقپاندا ەكولوگيا جانە تابيعي رەسۋرستار ءمينيسترى ەرلان نىسانبايەۆ ءماجىلىس الاڭىندا 10 اقپاننان باستاپ قازاقستاندا كيىكتىڭ پوپۋلياسياسىن رەتتەۋ توقتاتىلعانىن مالىمدەدى، دەپ حابارلايدى اlmaty-akshamy.kz.
ءماجىلىس الاڭىندا مينيستر مۇنداي شەشىمنىڭ وتاندىق عالىمدار جانە حالىقارالىق ساراپشىلارمەن كەڭەسىپ، تالقىلاۋدان كەيىن قابىلدانعانىن ءتۇسىندىردى.
"قىس مەزگىلى بولعاندىقتان دالادا كوشىپ-قونۋ قيىنعا سوعادى. سوندىقتان 10 اقپاننان باستاپ اقبوكەندەردىڭ سانىن رەتتەۋدى توقتاتتىق”، – دەدى ەرلان نىسانبايەۆ.
سونداي-اق ول قازاقستاندا رەليكتتىك بوكەن پوپۋلياسياسى جاڭادان كوبەيۋى بولجانعانىن ءتۇسىندىردى.
"بىلتىرعى كيىك ءتولىنىڭ سانىن ەسكەرە وتىرىپ، بيىل مامىر ايىندا مۇقيات ەگجەي-تەگجەيلى ساناق جۇرگىزىلەدى. بولجام بويىنشا، 40% ءوستى دەپ ايتا الامىن. جالپى تولدەۋ كەزىندە ەسەپكە الساق. بىلتىرعى كيىك ءتولى بويىنشا پوپۋلياسيا شامامەن 2،5-2،6 ميلليون باس بولادى. سونىمەن قاتار كيىك ءتولى بويىنشا پەسسيميستىك بولجامدى الساق تا – بۇل 30% بولسا، تاعى دا پليۋس شامامەن 700–750 مىڭ باس بولادى دەپ كۇتەمىز”، – دەدى مينيستر.
مينيستر 10 اقپاننان كەيىن كيىكتەردى اتۋ زاڭسىز ەكەنىن ەسكەرتتى.