الماتىدا اقشا ايىرباستاۋشىلارعا وق اتقان ادام ۇستالدى

كۇدىكتى جامبىل وبلىسىنىڭ 40 جاستاعى تۇرعىنى بولىپ شىقتى.

الماتى پوليسەيلەرى اقشا ايىرباستاۋ پۋنكتىنىڭ كليەنتتەرىنە جاسالعان توناۋدى اشكەرەلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

"جەتىسۋ-4" شاعىناۋدانىنداعى اقشا ايىرباستاۋ پۋنكتىندە قاراقشىلىق شابۋىل جاسالدى.

«بەلگىسىز بىرەۋلەر ۆاليۋتا ايىرباستاۋ پۋنكتىنەن شىعىپ بارا جاتقان ەرلى-زايىپتىلارعا شابۋىل جاساعان. توناۋ كەزىندە ولاردىڭ ريۋكزاكتارى بوس بولعان. ءبىراق شابۋىلداۋشى باسقاشا ويلادى. ول تراۆماتيكالىق تاپانشادان ەرلى-زايىپتىلارعا وق اتقان. ابىروي بولعاندا، ەر مەن ايەلدىڭ ءومىرى مەن دەنساۋلىعىنا ەشقانداي ءقاۋىپ ءتونىپ تۇرعان جوق. ال بۇل ۋاقىتتا شابۋىلداۋشىنى ارنايى جەدەل تەرگەۋ توبى ىزدەستىرگەن. كۇدىكتى جامبىل وبلىسىنىڭ 40 جاستاعى تۇرعىنى بولىپ شىقتى. ول جامبىل وبلىسى اۋىلدارىنىڭ بىرىندە ۇستالدى. ءقازىر ول الماتىعا اۋىستىرىلىپ، قاماۋعا الىندى. قاراقشىلىق شابۋىل دەرەگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە قىلمىستىق ءىس تىركەلدى. تەرگەۋ جالعاسۋدا»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.