قاراعاندىلىق اجەلەر قىرعىز ەلىندە وتكەن ورتالىق ازيانىڭ VIII حالىقارالىق بي وليمپياداسىندا توپ جارىپ، باس جۇلدەنى يەمدەنگەن، دەپ حابارلايدى Almaty-akshamy.kz «حابار 24»-كە سىلتەمە جاساپ.
ايتا كەتكەن ءجون، بۇل ايىر قالپاقتى اعايىنداردىڭ ەلىندە 8 جىل بويى ءداستۇرلى تۇردە ءوتىپ كەلە جاتقان ەڭ ءىرى بي جارىسى بولىپ ەسەپتەلەدى. «نۇربي» ۇلگىلى بي ءانسامبلى مۇشەلەرىنىڭ ەڭ جاسى 65-تە بولسا، ەگدە تارتقانى 85-كە كەلىپتى. تاريحى تەرەڭ بىشكەكتىڭ تورىندە ءبىزدىڭ اجەلەر ەركىن ويقاستايدى. ورتالىق ازياداعى وليمپيادانىڭ ورتاسىندا مىڭ بۇرالعان ولار قارسىلاستارعا ەش مۇمكىندىك بەرمەگەن. ناتيجە مىناۋ: 2 كۋبوك جانە ديپلوم.
توپتىڭ قۇرامىندا 25 ءبيشى بار. اراسىندا ەليەۆاتور تەحنولوگى، دارىگەر، تاربيەشى، ءمۇعالىم، مەملەكەتتىك قىزمەتكەر مەن ساۋىنشى دا كەزدەسەدى.
اجەلەردىڭ رەپەرتۋارىندا 15-كە جۋىق بي بار. كوبى – ۇلتتىق بيلەر. شىعارماشىلىق توپ الداعى ۋاقىتتا ءوز ونەرىمەن وبلىستىڭ ءبىرقاتار ءوڭىرىن ارالاپ، كونسەرت بەرۋدى جوسپارلاپ وتىر.