الماتى اكىمى ەربولات دوسايەۆ المالى اۋدانىندا جۇمىس ساپارى بارىسىندا ۆولحوۆسكايا كوشەسىندە ورنالاسقان سۋمەن جابدىقتاۋدىڭ اپاتتىق سورعى ستانسياسىنا باردى، دەپ حابارلايدى almaty-akshamy.kz.
1987 جىلى سالىنعان سورعى ستانسياسى 500-دەن استام تۇرعىنى بار 4 كوپ قاباتتى تۇرعىن ءۇيدى اۋىز سۋمەن قامتاماسىز ەتەدى.
جالپى نەگىزگى سورعى ستانسياسى جۇمىس ىستەمەيدى، 32 جىل بويى جوندەۋدىڭ بولماۋى نىساندى اپاتتى جاعدايعا جەتكىزدى. قازىرگى ۋاقىتتا توزىعى 90% رەزەرۆتىك سورعى جۇمىس ىستەيدى.
قالا باسشىسىنىڭ تاپسىرماسى بويىنشا سورعى ستانسياسىنا تەكسەرۋ جۇرگىزىلىپ، اۆاريالىق-قالپىنا كەلتىرۋ جۇمىستارىنىڭ سمەتالىق قۇنى انىقتالدى. جۇمىستى وسى جىلدىڭ ماۋسىم ايىندا باستاۋ جوسپارلانۋدا.
الماتى اكىمى تۇرعىنداردىڭ تىنىس - تىرشىلىگىن قامتاماسىز ەتەتىن وبەكتىنى رەكونسترۋكسيالاۋدى دەرەۋ قولعا الۋدى جانە جۇمىستار اياقتالعاننان كەيىن سورعى ستانسياسىن «الماتى سۋ» مكك بالانسىنا بەرۋدى، ونى قالالىق جۇيەنىڭ ءبىر بولىگىنە اينالدىرۋدى تاپسىردى.
ايتا كەتەرلىگى، 2023 جىلى المالى اۋدانىندا وسىعان ۇقساس تاعى ەكى اپاتتىق نىسان ماسەلەسى شەشىلدى. 26 جىل ىشىندە العاش رەت ايتييەۆ كوشەسى، 13 مەكەنجايداعى 26 جىل ىشىندە جوندەۋ كورمەگەن سۋمەن جابدىقتاۋ سورعى ستانسياسى تولىعىمەن قايتا جاڭارتىلدى. «پانوراما» كجك سۋ بۇرۋ جانە سۋمەن جابدىقتاۋ سورعى ستانسياسىندا اۆاريالىق-قالپىنا كەلتىرۋ جۇمىستارى جۇرگىزىلدى. 1600-گە جۋىق ابونەنت تۇراقتى جانە ساپالى سۋمەن قامتاماسىز ەتىلگەن.