الماتى قالالىق كارديولوگيالىق ورتالىعىندا اورتانىڭ قاباتتانىپ جارىلۋى دياگنوزى قويىلعان پاسيەنتكە اسا كۇردەلى وپەراسيا ءساتتى جاسالدى. بۇل – كارديوحيرۋرگياداعى ەڭ ومىرگە ءقاۋىپتى جاعدايلاردىڭ ءبىرى، - دەپ حابارلايدى aqshamnews.kz.
پاسيەنت 2020 جىلى اورتاكورونارلىق شۋنتتاۋ وپەراسياسىن باسىنان وتكەرگەن. ارادا بىرنەشە جىل وتكەن سوڭ ونىڭ جاعدايى قايتادان كۇرت ناشارلاپ، اورتانىڭ قاباتتانىپ جارىلۋى پايدا بولدى، ول اورتانىڭ جىرتىلۋىنا الىپ كەلگەن. مۇنداي جاعدايدا ءار مينۋت شەشۋشى ءرول اتقارادى.
اورتانىڭ جىرتىلۋى – شۇعىل ارالاسۋدى تالاپ ەتەتىن ەڭ اۋىر دياگنوزداردىڭ ءبىرى. ەكىنشىدەن، بۇل — بۇرىن شۋنتتاۋ جاسالعاننان كەيىنگى اشىق جۇرەككە قايتالاما وپەراسيا. مۇنداي جاعدايلاردا تىندەردىڭ وزگەرۋى، جابىسپالاردىڭ بولۋى ومىرلىك ماڭىزدى قۇرىلىمداردى اجىراتۋدى وتە قيىنداتادى.
كارديوحيرۋرگتار جاساندى قاناينالىم اپپاراتىن قولدانا وتىرىپ، پاسيەنتتىڭ قاناينالىمىن تولىق باقىلاۋدا ۇستاپ، شامامەن بەس ساعات بويى جۇمىس ىستەدى.
وپەراسيا بارىسىندا ماماندار اورتانىڭ زاقىمدانعان بولىگىن الىپ تاستاپ، ونىڭ تۇتاستىعىن جاساندى تامىر پروتەزى ارقىلى قالپىنا كەلتىردى.
وپەراسيانى: كارديوحيرۋرگتار، كارديولوگتار، انەستەزيولوگ-رەانيماتولوگتار، پەرفۋزيولوگتار جانە وپەراسيالىق مەيىرگەرلەردەن تۇراتىن مۋلتيديسيپلينالىق كوماندا جۇرگىزدى.
كوماندانىڭ ۇيلەسىمدى جۇمىسىنىڭ ارقاسىندا پاسيەنتكە ءساتتى وپەرسيا جاسالدى.
قازىرگى ۋاقىتتا ەر ادام دارىگەرلەردىڭ باقىلاۋىندا، ونىڭ جاعدايى تۇراقتى دەپ باعالانۋدا.
«ءاربىر مۇنداي وپەراسيا – ءومىر ءۇشىن كۇرەس. ءبىز جاعداي قانشالىقتى اۋىر كورىنسە دە، پاسيەنتكە مۇمكىندىك بەرۋ ءۇشىن زاماناۋي كارديوحيرۋرگيانىڭ بارلىق مۇمكىندىكتەرىن قولدانامىز»، – دەدى قالالىق كارديولوگيالىق ورتالىقتىڭ ديرەكتورى ەرماعامبەت قۋاتبايەۆ.