الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتى قالاداعى جوو ستۋدەنتتەرىنە ارنالعان سيفرلىق قاۋىپسىزدىك ساباقتارىن وتكىزۋدە.
«زاڭ جانە ءتارتىپ» ءنارراتيۆىن ىسكە اسىرۋ اياسىندا قازاقستان رەسپۋبليكاسى قارجىلىق مونيتورينگ اگەنتتىگىنىڭ الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى 2025 جىلعى 12–27 قاراشا ارالىعىندا الماتى قالاسىنداعى جوعارى وقۋ ورىندارىنىڭ ستۋدەنتتەرىنە سيفرلىق قاۋىپسىزدىك بويىنشا اۋقىمدى لەكسيالار سەرياسىن ۇيىمداستىرۋدا.
دارىستەر قالانىڭ بارلىق نەگىزگى جوو-لارىندا ينتەراكتيۆتى فورماتتا وتۋدە. وقۋ بارىسىندا ستۋدەنتتەرگە سيفرلىق الاياقتىقتان قورعانۋدىڭ زاماناۋي تاسىلدەرى، سونداي-اق ءموبيلدى قۇرىلعىلار مەن ونلاين-سەرۆيستەردى پايدالانۋ كەزىندەگى قاۋىپتەردىڭ الدىن الۋ بويىنشا پراكتيكالىق ادىستەر تۇسىندىرىلەدى.
كيبەرگيگيەنا داعدىلارىنا ەرەكشە نازار اۋدارىلادى: — سمارتفوندى كيبەرقاۋىپتەردەن قالاي قورعاۋ كەرەك؛
- فيشينگتىك سىلتەمەلەر مەن زياندى قوسىمشالاردى قالاي انىقتاۋ كەرەك؛
- جەكە دەرەكتەردى قورعاۋ ءۇشىن قانداي شارالاردى قولدانۋ قاجەت.
سونىمەن قاتار، ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى ديپفەيك تەحنولوگيالارىنا بايلانىستى قازىرگى زامانعى قاۋىپتەر تۋرالى كەڭىنەن ايتىپ، جەكە سيفرلىق قاۋىپسىزدىكتى قامتاماسىز ەتۋ جونىندە پراكتيكالىق كەڭەستەر بەرەدى.
ساباقتاردىڭ ماقساتى – جاستاردىڭ سيفرلىق ساۋاتتىلىعىن ارتتىرۋ جانە اقپاراتتىق قاۋىپسىزدىك سالاسىنداعى قۇقىقبۇزۋشىلىقتاردىڭ الدىن الۋ.